Category Archives: සිතට සවිය – Mental Health

ජීවිතය දිනවන සුබ සිතුවිලි

sa1

බැලූන් විකුණා ජීවත් වෙන වෙළෙන්දෙකු සිටියා. කහ, රතු, නිල්, කොල වගේ විවිද පාට වල බැලූන් ඔහු ළඟ පිරිලා තිබුනා. බැලූන් විකුණුම අඩු උන වෙලාවට ඔහු බැලුමකට හීලියම් පුරවලා අහසේ පා කරා. අහසේ බැලුමක් පාවෙනවා දැක්ක ගමන් පුංචි දරුවන්ට බැලුන් ඕනි උනා.  දරුවන් මොහොතකින් බැලුන් වෙළෙන්දාව වට කර ගන්නව බැලූන් මිළට ගන්න.

වෙළෙන්දා මේ ක්‍රියාව දිනපතාම කළා. දවසක් ඔහුට දැනුනා තමන්ගේ අතින් කවුරු හෝ අදින බව්. ඒ දෙස බැලුවාම ඔහු දුටුවේ පුංචි දරුවෙක්. “කළු පාට බැලුමකුත් අතහැරියොත් උඩ යනවාද?” පුංචි  දරුවා බොහොම සෙමෙන් ඇසුවා. දරුවාගේ සෙවිල්ල ගැන සතුටු වුනු වෙළෙන්දා බොහොම මුදිතාවෙන් දරුවාට පිළිතුරු දුන්නා. “පුතේ, බැලුමක් උඩ යන්නේ පට හින්දා නෙමෙයි. ඒක ඇතුලේ තියෙන දේ හින්දායි” .

Advertisements

අත් නොහරින සිහිනයක් – ඉසුරුමත් ජීවිතයක් ලබන්න සාර සිතට ආලෝකයක් – තුන් වෙනි රහස

ලොව පුරාම මිනිසුන්ගේ සිහින අත් හැරීම ගැන කළ පර්යේෂණ වලදී පෙනුනු වැදගත්ම කරුණ නම් මිනිසුන් ඉතාම ඉක්මනින් තම සිහිනය අත් හරින බවයි. ඔබ සිහිනයේ ජීවත් වන විට, සිහිනය දිනා ගත් බවට හැඟෙන මානසිකත්වතෙන්, සතුටින් සිහිනයේ සැරිසරන විට, ආකර්ෂණයේ නීතිය ඔබ වෙත ළඟා කර දෙනවා.

සිතන්න ඔබ අඹ ඇටයක් පැළ කරනවා. වතුර පොහොර දානවා. ඔබ විශ්වාසයෙන් ඒ පැළය රැක බලා ගත්තොත් මාසයකට පසුව අඹ පැළය ඔබට දකින්න පුළුවන්. ඒත් ඔබ අඹ ඇටය හිටවපු දා ඉඳලාම පස් ටික අයින් කර කර අඹ ඇටේ පැළ වෙලාද කියල පස් හාරලා බලන්න පටන් ගත්තොත් මොකද වෙන්නේ? පැළය මැරිලා යනවා.

ගොවි මහතුන් මේ ගැන දන්නවා. ඒක නිසා ඉවසිල්ල පුරුදු කරගෙන ඉන්නවා. මිනිසුන් සිහිනය රැක බලා ගන්නේ ටික කාලයයි. දිනපතා ව්තුර පොහොර දාන්න අමතක කරනවා. ඊට පස්සේ සිහිනය හරි නොගියාම අත් හැරලා දානවා. බැන වදිනවා. ආකර්ෂණයේ නීතිය බොරුවක් කියනවා. තෝමස් අල්වාට දහස් වතාවකටත් වඩා විදුලි බල්බය නිපදවන්න උත්සහ කළා. ඛ්FC පළවෙනි කුකුළු මස් පිඟාන විකුණන්න ගෙවල් 1004 කට යන්න උනා. ඒත් මිනිසුන් 92%ක්ම හතර වතාවකට වඩා උත්සහ කරන්නේ නැ. සිහිනය රැක ගන්න. පරිස්සමින් හැම දාම සාත්තු කරන්න.ඔබ සිහිනය දිනා ගන්නම ඕනිමයි.

Sanath Gamage – alokaya.com

Sanath Gamage

Human Skills Development Specialist

https://www.facebook.com/pages/alokayacom

https://www.facebook.com/SanathGamageOfficial

පියවර හතයි!! මල් හතයි !!!

1. වගකීම බාරගන්න

2. අවසාන ප්‍රථිපලය මනසින් දැක යමක් අරඹන්න 

3. මුලින් කළයුත්ත මුලින් කරන්න 

4. ජය – ජය ගැන හිතන්න 

5. මුදිතාව වඩන්න 

6. එකමුතුව දිනන්න 

7. සැමදා ඔබේ  ආයුදය මුවහත් කරන්න

1. වගකීම බාරගන්න

අනුන්ට දොස් කිවීම කරනවා කියන්නේ තමන්ගේ ජීවිතයේ වගකීම තමන් බාර ගන්නේ නෑ කියන එක. ඔබේ ජීවිතය ජය කණුව වෙත ගෙන යන මුල්ම වැඩපිළිවෙල පටන් ගන්නේ ඔබ ඔබේ ජීවිතයේ වගකීම බාර ගැනීමෙන්. සමාවට කරුණු හොයන කිසිවෙක් තමන්ගේ වගකීම බාර නොගත්ත අයයි. ඔබේ ජීවිතයේ ජය සඳහා බාහිර සාධක වලින් ගැලවීමට කරුණු හොයන්න එපා. ඔබේ උපරිමය වෙත ඔබ ගමන් කරන්න.

2. අවසාන ප්‍රථිපලය මනසින් දැක යමක් අරඹන්න 

පරිකල්පනය මිනිසුන්ට ලැබුනු අගනාම තෑග්ගයි. යමක් අරඹන්න පෙර එම වැඩපිළිවෙල මනසින් දකින්න. ඔබ ඉතාම හැඟීමකින් මෙය කළ යුතුයි. ඔබගේ මීළඟ උසස් වීම, විදේශ සංචාරය, ඔබේ වාර්තාවට ලැබෙන ප්‍රථිචාරය මනසින් සිතුවම් කරන්න. අවසාන අවස්තාව සිතුවම් කළාම සෑම් මිසයිලයක් මෙන් එම ඉලක්කය කරා ගමන් කරන්න ඔබට ශක්තිය ලැබෙනවා. ඔබේ යටිසිත ඉලක්කය හඳුනා ගන්නේ සිතුවම් කළ විට විතරයි. 

3. මුලින් කළයුත්ත මුලින් කරන්න 

ඔබට ලැබන කාලයත් ඉහළම මට්ටමක ඉන්න කෙනාටත් දෙන්නාටම ලැබෙන්නේ එකම කාලයක්. කාලය මදියි කියලා ලතවෙන එක නවතන්න. කළයුතු කටයුතු පෙළගස්වන්න. මුලින් කළ යුතු දේ මුලින් කරන්න. 

4. ජය – ජය ගැන හිතන්න

ඔබ කරන බොහෝ කතයුතු වලදී තවත් අය සම්බන්ද වෙනවා. හැමවිටම ජය-ජය මුලධර්මය අනුගමනය කරන්න. අනෙත් කෙනාට දිනුමක් නැත්නම් එම පුද්ගලයා වැඩිකළක් ඔබ සමග එකට ගමනක් යන එක නතර කරාවි.

5. මුදිතාව වඩන්න

මුදිතාව එහෙම නැත්නම් සහකම්පනය ජීවිතයට එකතු කර ගන්න. අනෙක් කෙනාගේ දුකේදී ඔහු තේරුම් ගන්න කලින් හොඳින් ඇහුම් කන් දෙන්න. ඔහුගේ දුකේදී පඬි වදන් නොව ඔහුට හඬන්න ඔබේ උරහිස දෙන්න. ඔබේ මතය කියන්න කලින් අන අය වටහා ගන්න. අන් අයට ඇහුම් කන් දෙන්නේ නැතිව තම මතය තහවුරු කරන්න පුළුවන් කමක් නැහැ.

6. එකමුතුව දිනන්න

එකම රැහැකින් බැඳී කණ්ඩායම් ගත වෙන්න. ඔබේ පිරිස සමග එකට වැඩකිරීම තනියම වැඩ කරනවාට වඩා ඉහළ ඉලක්කයකට යන්න ශක්තිය ඇතිකරනවා. 

7. සැමදා ඔබේ  ආයුදය මුවහත් කරන්න

ඔබේ ඇතුළත ශක්තිය අවුළුවා ගන්න. අළුත් දැනුම නිතිපතා ලබා ගන්න. ඔබ සැමදා කරන කටයුතු වඩා හොඳින් කළ හැකි ආකාරය නිතරම සිතන්න. ඔබේ මනස  ජය ලබාගන්න  නැවත ලියවන වැඩසටහනකට කාලය සොයාගන්න. අළුත් පොතක්, වෙබ් අඩවියක් බලන්න. සබ්ලිමිනල් හඬ් පටයක් අහන්න. ජීවිත කාලය පුරාවට ඉගෙන ගන්න. වාහනයේ දී අළුත් පොතක හඬ පටය  MP3 ගෙන අසන්න.

Seven Good Working Habits by Sanath Gamage

Sanath Gamage
Human Skills Development Specialist
 
sarasith.wordpress.com / alokaya.com

 

ඉසුරුමත් ජීවිතයක් ලබන්න සාර සිතට ආලෝකයක් – පළවෙනි රහස: සිත කුල්මත් කරවන හැඟීම

ආදරයක් ජීවිතයට ලැබුනු පළමු දවසේ ඔබේ සිතට දැනුනු කුල්මත් හැඟීම ඔබට මතකද? ඔබට වෙන කිසීම දෙයක් හිතට නොනැගෙන තරමටම ඒ සිතුවිල්ල ඔබේ සිත වෙලා ගෙන තිබුනා. ඇස් දෙක පියාන නිදාගන්න මට බෑ කියලා ඔබට දැනෙන්න ඇති. අද දවසේ ඉසුරුමත් ජීවිතයක් පිළිබඳ හැඟීම ඔබේ සිතට දැනුනාම, ආදරය දැනුනු තරමටම ඔබේ සිත පිබිදෙනවාද? පිළිතුර ඔවු නම් ඔබ පළමු පරීක්ෂණයෙන් සමත්. හැබැයි ඔබට ඒ පිළිබඳ උත්තරය ඒ තරමටම ශක්තිමත් නැත්නම් අපි තත්වය අදම වෙනස් කරගනිමු. ඔබට ජීවිතය ඉසුරුමත් කරන්න තියෙන ඕනෑකම නිකම්ම පැතුමකින් ඔබ්බට ගිය ලොකු desire එකක් වෙන්න ඕනි. desire කියන්නේ මොකක්ද කියලා මධුර ශබ්ද කෝෂය කියන්නේ මෙහෙමයි. අටිය, අපේක්ෂාව, අභිප්‍රාය, අභිරුචිය, අභිලාෂය, මනදොළ. මේ මොන නමකින් හැඳින්වුවත්, නිකම්ම සිහිනයක්, පැතුමක් විතරකින් එහාට ගිය දැඩි ඕනෑ කමක් සහිත හැඟීමක් කියන එක හොඳටම පැහැදිලියි. සිහිනයක් විතරක් තියෙන අය සිහිනෙත් එක්ක ජීවිත් වෙලා සිහින බිඳ වැටෙන බව කියනවා. ඒත් ආකර්ෂණ නීතිය ජය ගන්න ඔබට ලොකු ඕනෑ කමක් තියෙන්න ඕනි.

මේ ඕනෑ කම කොයි තරම් වෙන්න ඕනද කියලා තේරුම් ගන්න පුළුවන් ලස්සන කතාවක් තියෙනවා. දවසක් තරුණයෙක් සොක්‍රටිස් මුන ගැහෙන්න ගියා ප්‍රශ්නයක් විසඳා ගන්න. ඔහුගේ ප්‍රශ්නය උනේ ජීවිතය සාර්තක කරගන්නේ කොහොමද කියලා අහන්න. සොක්‍රටිස් පිළිතුරක් වෙනුවට තරුණයාට පසු දින උදේ ගඟ ළඟට එන්න නියම කළා. තරුණයාත් කුතුහලයෙන් ගෙදර ගිහින් පසුදා උදේන්ම ගඟ ළඟට ආවා. ඒ වෙනවිටත් සොක්‍රටිස් ඇවිත්. තරුණයා මුල් ප්‍රශ්නයම නැවත ඇසුවා. සොක්‍රටිස් තරුණයාගෙන් ඇසුවා දියුනු වෙන්න කොච්චර ඕනැ කමක් තියනවාද කියලා. තරුණයා පිළිතුරු දුන්නා ලොකු ඔනෑ කමක් තියනවා කියලා. සොක්‍රටිස් නැවතත් අහනවා කොච්චර ලොකු ඕනැ කමක්ද කියලා. තරුණයාට ඒ ගැන හොඳ වැටහීමක් තිබුනේ නැ. සොක්‍රටිස් තරුණයාට ගඟ මැදට යන්න කියා තරුණයාගේ පස්සෙන් ගඟට බැස්සා.

තරුණයාගේ නහය ළඟට වතුර තියෙන තරම් ගඟ මැදට ගියාම, සොක්‍රටීස් එක වරම තරුණයා බෙල්ලෙන් අල්ලා වතුරේ එබුවා. ඔක්සිජන් නැතුව නිල් පාට වුන තරුණයා තම උපරිම ශක්තිය යොදවලා දේහධාරී සොක්‍රටිස් පෙරළගෙන වතුරෙන් ගොඩට ආවා. සොක්‍රටීස් හති දමමින් සිටි තරුණයා නිවුන පසු පැනයක් ඇසුවා. වතුරේ යට ඉන්න විට ඔහුගේ උවමනාව මොකක්ද කියලා. තරුණයා කීවේ ඔහුට හුස්ම ගන්න උවමනා උන බවයි. සොක්‍රටිස් ඇහුවා නැවතත් කොච්චර ඕනෑ කමක් තිබුනාද කියලා හුස්ම ගන්න. තරුණයා කීවේ එපමණ ඕනෑ කමක් කවදාකවත් ඇති වෙලා නෑ කියලා. සොක්‍රටිස් තරුණයාට කියා දුන්නා ජීවිතේ ඉසුරුමත් කරගන්න නම් වතුරේ ගිලිලා මැරෙන්න යන කෙනෙකුට හුස්ම ඕනි තරම් ඕනි කමක් සිතේ ඇති කර ගන්න ඕනි කියලා.

ඉසුරුමත් ජීවිතයකට ඔබට තිබෙන උවමනාව ඔබේ ඇතුලෙන්ම එන ලොකු ගින්නක් වෙන්න ඕනි. ඇතුලෙන්ම කියලා මම කීවේ ඔබේ හදවතින්ම එන්න ඕනි කියන දෙය සිතා ගෙන. මනසින් ඇති කරගන්න සිතුවිල්ලකට වඩා හදවතින්ම ඕනෑ කමක් ඇතිකරගන්න ඕනි. මනස එහෙම නැත්නම් ඔබේ උඩු හිත තර්කානුකූලව සිතන විට සැකය ඇති වෙනවා. සැකය ඔබ ළඟ තියෙන විට ඔබ උකටලී වෙනවා. ඉච්චාබංග වෙනවා. ඒත් ඔබේ හදවත එහෙමත් නැත්නම් ඔබේ යටිසිත ඔබේ හැඟීම් වලට බලපානවා. ඉසුරුමත් ජීවිතයක ඕනෑ කම ඔබේ යටි සිත බාර ගත්තාම ආකර්ෂණ නීතිය බලපානවා. තවත් වැදගත් දෙයක් තියෙනවා. ඔබේ මනස තර්කයත් ‍යටිසිත හැඟීම් පාළනයත් කරන නිසා තර්කයත් හැඟීම් අතර ගැටුමක් ඇතිවුනාම නිතරම හැඟීම් ජය ගන්නවා. මේ නිසා ඔබේ හැඟීම් කළමණාකරණය ඉසුරුමත් ජීවිතයක පදනම වෙනවා. ඒ වගේම තර්කයත් හැඟීම් අතරත් එකඟ බව ඉසුරු ඔබ කරා ආකර්ෂණය ඉක්මන් කරනවා.

සිහිනයකට එහා ගිය ලොකු උවමනාවක් ගැන මම නැවත නැවතත් ඔබට මෙහිදී නැවත නැවතත් කියන්නේ ඇයි? සිහිනය මනසේ උපකරණයක් විතරයි. ඔබ සිහිනයක් දැක්කාට මනස එය ළඟා කර ගන්න සුදානම් වෙලා නැ. ඔබ දකින සිහිනය ඔබේ හදවතට දැනිලා නෑ. ඒ නිසා හැම සිහිනයක්ම ඉටු වෙන්නේ නැහැ. සිහිනය සිතැඟියාවක් හා දැඩි අභිලාෂයක් බවට පෙරළුනාම, එය ඔබේ යටි සිතේ පාළනයට නතු උනාම හැඟීම් වෙනස් වෙන්න පටන් ගන්නවා. තවත් ලෙසකින් කියනවානම්, ඔබේ පැතුම, භාවයක් බවට පෙරළෙන විට, එම සිතුවිල්ල  භෞතික යතාර්ථයක් බවට පෙරළෙනවා.ඔබ බොහෝ විට දැක ඇති මිනිසුන් පැතුම් පැතුවත්  ඒ පැතුම සැබෑවක් කරගන්න කැපවී වැඩකරන්නේ නැතිව ඉන්න බව. ඇයි ඒ වගේ වෙන්නේ. මනසට පැතුමක් ආවත් ඒ පැතුම යටිසිතේ හැඟීමක් ඇති නොකරන තාක් ක්‍රියාත්මක වීමක් ඇතිවෙන්න පෙළඹීමක් ඇති කරන්නේ නැ. ඔබට දෙයක් දිනා ගන්න සිතුවත්, පැතුවත් ඔබේ හදවත එය පිළිගෙන නැත්නම් හෝ ඊට වෙනස් දෙයක් විශ්වාස කරනවානම් ඒ පැතුම ඉටු වෙන්නේ නැහැ. පැතුම් පතන එක විතරක් කරන පුරුද්ද නවත්තලා ඒ වෙනුවෙන් වැඩකරන්න පටන් ගනිමු. ඒ වෙනුවෙන් හැඟීම් වෙනස් කරගන්න පටන් ගනිමු. ක්‍රියාත්මක වෙන්න පටන් ගත්තාම ඔබේ භාවයන් වෙනස් වෙනවා. පැතුම ඉටු වෙන්න එය ඔබේ අත් දෙකට ලබා ගන්න යන්නේ කාලය පිළිබඳව ප්‍රශ්නයක් විතරයි. ඔබ එය ඉටු කර ගන්නවා මයි


ජෙසිකා කොක්ස් – අත් දැකීම් නැතිවම ප්‍රධාන දෙසුමට

ගෞරවනීය අභිමානවත් සභාවක්. විද්වතුන්, ප්‍රභූන් වගේම කීර්තිමත් ව්‍යාපරිකයන් පිරිලා ඉතිරිලා. එවන් අවස්තාවක ප්‍රධාන දෙසුම තේජවන්ත වගේම බැරෑරුම් කටයුත්තක්. ආරාධනාව ලබන කෙනා ට ලැබෙන අභියෝගය සභාවේ සෑම කෙනෙකුගේ ම, අවධානය රඳවා ගනිමින් එම දෙසුම කිරීම. ඒත් ආරාධනා ලබන්නේ වසර 25ක තරුණියකට. ඇය සභාව අමතන්නේ තමන්වම හඳුන්වා දෙමින්.

“මට නම් කිසිම දෙයක් ගැන අත්දැකීමක් නැහැ”


අත්දැකීම් නැති ලාබාල තරුණියකට ආරාධනා කිරීම ගැන කවුරුත් විරෝධයක් දක්වන්නේ නැ. ඒත් ඒ වෙනුවට එක් වරම මුළු සභාවම සිනා සාගරයක ගිලෙනවා. ඒ ඇය, ඇයට නැති දේ ගැන  පැමිණිලි කරන්නේ නැතිව, ඒ තත්වය පවා සතුටින් බාරගෙන ඒ ගැන ඇයත් සිනාසෙන නිසා.  ඇයි ජෙසිකාට කිසිම දේක අත් දැකීමක් නැත්තේ. උපතින්ම අත් දෙකම නැතිව ඉපදුන ජෙසිකා, අත් දැකීම් ලබන්නේ කොහොමද?

ඇය දිගටම සැහැල්ලුවෙන් අත් දැකීම් බහුල කෙනෙක් වගේ සභාව අමතනවා. මුළු සභාවම විමතියෙන් ඇය දෙස බලාගෙන ඉන්නවා.

“මේ වගේ සභාවක විදුලි ධාරාවන් මට මුළින්ම එල්ල උනේ මට අවුරුදු හයක් තරම් පුංචි කාලයේදි. හැබැයි ඒ අවස්තාව මග හරින්න මම පුළුවන් හැම දේම කළා. අන්තිමේ දි මම මොන්ටිසෝරියේ ටීචර් ගෙන් ඇහුවා පස්සෙ පේලියේ මට නටන්න බැරිද කියළා. එදා  අම්මාත් ගුරුතුමියත් මට කියලා දුන්නා පස්ස පේළියක් නෑ කියලා. මගේ දිහා බලලා අනුකම්පාවෙන් බලන අය ගැන මට අනුකම්පා කරන්න කියලා දුන්නා. එදා අම්මාත් ගුරුතුමියත් මාව වේදිකාවට යන්න මට හයිය දීපු නිසා අදටත් මම ලෝකේ පුරාවට මේ වගේ සභාවල වැඩසටහන් කරනවා. දෙසුම් පවත්වනවා. මගේ ජීවිතේ ජය ගත්ත කතාව තවත් දහස් ගනනකට ජීවිතේ ජයගන්න උදවු වෙන්න මම කියනවා.”

ආබාධිත කියන්නේ අත් කකුල් නැති අයට නොව, ඒ හැම දේම තිබුනත් බෑ කියල හිතාගෙන ඉන්න අයට කියලා ඇය තේරුම් ගන්න පටන් ගත්තා. ආබාධිත කම සිතුවිල්ලක් විතරක් කියලා අවබෝධ කර ගන්න පටන් ගත්තා.

පිලිපීනයේ ඉඳන් වයස විසිතුනේ දී හෙදි සේවයට ඇමෙරිකාවට ආපු ඉනෙස් ජෙසිකාගේ අම්මා.   විලියම් කොක්ස් තාත්තා. මේ දෙදෙනාම දරුවාට ආදරයත් අභිමානයත් ලබා දුන්නා. සෙල්ලම් බඩු ගෙනැවිත් කකුල් දෙක ළඟ තිබ්බා. ඉල්ලන දෙයක් කකුල් දෙක ළඟට දුන්නා. කෙමෙන් ඇය කොන්ඩෙ පීරන්න, කකුලේ ඇඟිලි අතරට පෑන, පැන්සල හිර කරගන්න, පිහියෙන් වැඩක් කරන්න, ඔංචිලි පදින්නත් හුරු උනා.

අම්මා දීපු අගය කිරීම් ජෙසිකාට හැම අභියෝගයක්ම ජය ගන්න උදවුවක් උනා. අවුරුදු තුනේ දීම අම්මා ඇයව ජිම්නාස්ටික් පන්තියට සම්බන්ද කළා. අවුරුදු හයක් වන විට පිහිනීමත්, රංගනයත් පුරුදු වුනා. අම්මා ඇයගේ විශ්වාසය තව තවත් වර්ධනය කරන්න ටයි කොන්ඩෝ ක්‍රීඩාවට යොමු කරනවා. ඇය හතේ පන්තියට එන විට කළු පටි සම්මානය හිමි කරගන්නවා. අද ඇයට තමන්ගේ සියළුම කටයුතු කකුල් දෙක පාවිච්චි කරලා කරගන්න පුළුවන්.

“ආසාවෙන් වැඩක් කරන්න පටන් ගත්තාම ඉවසිල්ල තියනවා නම් ලේසියෙන්ම ඕනිම දෙයක් පුළුවන් වෙනවා” ජෙසිකා අපිටත් කියලා දෙනවා. කෘතීම අත් හඳුන්වා දුන්නත් ස්වභාවිකව ලැබුනු කකුල් දෙක ඊට වඩා පහසු බව ඇය වටහා ගන්නවා. ඇය උපාදියත් සම්පූර්ණ කරලා අභිප්‍රේරණ දේශිකාවක් ලෙස තම වෘත්තිය පටන් ගන්නවා.

ජෙසිකා වාහනයක් පැදීමේ ඕනෑ කම ඇතිව ඒ සඳහා ඉගෙන  ගන්නවා. අත් නැති අය සඳහා විශේෂයෙන් සකස් කළ වාහනයකට වඩා සාමාන්‍ය වාහනයක් පැදවීම ඇයට පහසු වූ නිසා ඇය රියදුරු බලපත්‍රය සඳහා ඉල්ලුම් කරන්නේ සාමාන්‍ය වාහන සඳහා. ඇය රියදුරු බලපත් සඳහා වන පරීක්ෂණය ජය ගන්නේ ඉහළම ලකුනු සමගින්. ඒත් හරියටම සුමානයකින් ඇයගේ රියදුරු බලපත්‍රය තාවකාලිකව අත්හිටවනවා. අතිරේක පරීක්ෂණ දෙකකට මුහුණ දෙන්න ඇයට සිදු වෙනවා.

මේ තත්වයට මුහුණ දුන් ඇයට තම විශ්වාසය වැඩි කර ගන්න අළුත් දෙයක් කරන්න ඕනි වෙනවා. ඇයට මතක් වෙනවා තමන් ගුවනින් ගමන් කරන්න බය බව. ඇයට එම අභියෝගය ජය ගන්න ඕනි වෙනවා. ඒ ඊටත් වඩා විශිෂ්ට ලෙසින්. ඇය ගුවන් නියමු වරියක් වීමේ සහිනයක් මවා ගන්නවා.

පැය හාරසියයක පුහුණුව හා කැප වීම 2008 ඔක්තෝබර් 10 වනදා ලොව පළමු අත් නැති ගුවන් නියමු වරිය ලොවට තිළිණ කරනවා. පිරිමි කෙනෙකුන් හෝ ඊට  කලින් එය කර නැහැ.පැය හාරසියයක පුහුණුව හා කැප වීම 2008 ඔක්තෝබර් 10 වනදා ලොව පළමු අත් නැති ගුවන් නියමු වරිය ලොවට තිළිණ කරනවා. පිරිමි කෙනෙකුන් හෝ ඊට  කලින් එය කර නැහැ.

“නිර්මාණශීලීත්වයත්, නිර්භීත භාවයත්, නොකඩවා කරන කැපවීමත් ඕනෑම සාමාන්‍ය අයෙකු විශිෂ්ටයෙකු කරනවා”. ඇය 2011 වසරේ ලංකාවේ පැවැත්වූ දේශන යේදී කියා සිටියා. 

සිතන්න අළුතින් – දිනන්න දිවියෙන් – ( චිත්ත වේග කලමනාකරණය පිළිබඳව අළුත්ම සොයා ගැනීම්)

චිත්ත වේග එහෙම නැත්නම් භාව කලමනාකරණය (Emotional Management) කරගන්න පුළුවන් හොඳ මානසික ශක්තියක් ඇති අයට.  තමන්ගේ ශරීර සුවතාව හොඳින් පවත්වා ගන්න පුළුවන් චිත්ත වේග කලමනාකරණය හොඳ නම්. එහෙම කරන්න අපහසු අයට එයින් මිදීම පිළිබඳව අළුත්ම සොයා ගැනීම් තියෙනවා. ප්‍රශ්න අභියෝග හමුවේ සමහරුන් වාර්තා බිඳින විට,  තව බොහෝ දෙනෙක් ඇද ගෙන වැටෙනවා. ප්‍රශ්න ගැටළු එන විට සමහරුන් ආත්ම විශ්වාසය වැඩි කරගෙන, සබඳතා තව තවත් හොඳින් ගොඩනගා ගන්නවා. ජීවිතයම මුළුමනින්ම ජීවත් වෙන්න අපල කාල එහෙම නැත්නම් අමාරුම කාල යොදා ගන්නවා.

කෙටියෙන්ම කීවොත් ඔබ හැඟීම් කළමනාකරණයට දක්වන දක්ෂතාව ඔබේ අනාගතය තීරණය කරන ප්‍රධානම කරුණ වෙනවා. භාවයන් එහෙම නැත්නම් හැඟීම් සමතුළිත කරගන්න ඔබට විශාල කාලයක් සහ ආයාසයක් යොදවන්න වුනත්, එයින් ලැබෙන ප්‍රතිපළ ඊට වඩා බෙහෙවින්ම වැඩි වෙනවා. උත්සහ කළොත් එය ඉතාම පහසු පියවර කිහිපයක්. මේ ලිපි පෙලෙන් බලපොරොත්තු වෙන්නේ ඔබට තනිවම කරන්න පුළුවන් දේ සරළ සිංහලෙන් කියලා දෙන්න.

දිනක් මහාචාර්ය ගල්මන්ගොඩ මහතා සාකච්චාවකදි මතක් කළා, ඔබට මානසික රෝගයක් තියෙනවාද කියලා අහන එක වැඩක් නැති දෙයක් කියලා. හේතුව අපි සියලු දෙනාටම එහෙම තත්වයක් තියෙන එක පොදුවේ දන්න පිළිගන්න දෙයක්. අපි අහන්න ඕනි වෙන්නේ ඔබට කොපමණ ප්‍රතිශතයක මානසික රෝගී තත්වයක් තියෙනවාද කියන එක විතරයි. ( Never asked are you mad. Its understood. What you have to asked what is the % of your madness)

හැබැයි මේ ලිපි පෙලෙන් සාකච්චා කරන ලෝ පුරා පිළිගත් උපක්‍රම භාවිතා කළොත් ඔබට වඩා හොඳ සෞඛ්‍යමය තීරණ ගන්න පුළුවන් වෙනවා.  ඒ මගින් ඔබේ හැඟීම් කළමනාකරණය හොඳ වෙනවා. ඔබට සතුට සහ සැහැල්ලුව ලැබෙනවා. ආත්ම අභිමානය වැඩි වෙනවා. ඔබට ලැබෙන හොඳම පුවත නම් ආතතිය ජය ගන්න පුළුවන්.  ඒ මගින් ඔබේ හැඟීම් කළමනාකරණය හොඳ වෙනවා. ඔබට සතුට සහ සැහැල්ලුව ලැබෙනවා. ආත්ම අභිමානය වැඩි වෙනවා. ඔබට ලැබෙන හොඳම පුවත නම් ආතතිය ජය ගන්න පුළුවන්. අභියෝග දිනන්න නැගිටින්න පුළුවන්. බිඳ වැටීම හමුවේ සිනහ නගන්න පුළුවන්. සුවයෙන් ජීවිතයම දිනන්න පුළුවන්. හොඳ හැඟීම් කළමනාකරණය මගින් අපි කතා කරන්නේ ඔබ සහ ඔබේ සිතුවිලි ගැනයි. සබඳතා වල වටිනා කම් ගැනයි. හැඟීම් වල ගැති බවෙන් මිදී හොඳ තීරණ ගැනීම වගේම අපහසු අවස්තාවලදී ඉවසීමෙන් සහ සංයමයකින් කටයුතු කිරීම ගැනයි.

අපි මේ යටතේ වැඩි දුරටත් කතා කළ යුතු කොටස් පිළිබඳව හොයා බලමු.

භාව කළමනාකරණය

භාව සංනිවේදනය

භාව බුද්ධිය

සිනාව – හොඳම බෙහෙත

චිකිත්සා සහ උපදේශනය

ස්වෙච්ජා සේවය සහ එහි වාසි

කෝපය ජයගැනීම

භාව කුසලතා අත් බෙහෙත්

ක්ෂණිකව ආතතිය ජය ගැනීම

මා මව් වන්නට..

සසරෙන් සසරේ
මා නළවන්න්ට..
උකුලේ හොවා හිස
සුවෙන් නිදන්නට..
කදුළු ගලන විට
එය පිසලන්නට..
බුදු වෙන තෙක් ඔබ
මා මව් වන්නට..

sasaren sasare manakawannata ukule howa hisa suwen nidannata kandulu galanawita eya pisalannata budu wenatek oba ma mau wennata