Tag Archives: Amazing

ඉසුරුමත් ජීවිතයක සිව් වන රහස – වෛරය වෙනුවට මෛත්‍රිය

ඔබ යමකට වෛර කරන විට එම දෙය තව තවත් බල සම්පන්න වේ. ඒ ඔබේ සිතුවිලි වල ශක්තිය එම වෛරකරන දෙයට තවත් ජීවය සපයන නිසා. වෛර කරන දෙයට ප්‍රථිවිරුද්ද දෙය ට කැමති වෙන්න. එය ප්‍රාර්ථනා කරන්න. ඔබ වෛරකරන දෙය දුර්වල වී කැමති දෙය බලවත් වේවි.

වසර 60 කට කලින් ධනපතීන් භංග වෙවා කියමින් ලක්ෂ ගනන් පෙළපාලි ගිය පක්ෂ වල සාමාජිකත්වය අද බට්ටෙකුට පටවන තරමට අඩු වෙලා. ධනපතීන් වැඩි වෙලා. වැඩ කරන අපි වගේම සොයුරු ජනතාවට සෙත් පතමු. ඔවුන් ශක්තිමත් කරමු. ඔවුන්ට දිරි දෙමු. වෛරය වෙනුවට මෙත් සිත් පතුරුවමු.

ජීවිතය සරු කරන මේ ධර්මතාව හොඳින්ම දැන සිටි කෙනෙක් නම්, තෙරේසා මවු තුමියයි. ඇය සාමය වෙනුවෙන් පෙනී සිටි ලොව දැවැන්තම චරිතයක්. යුධ විරෝදි රැලියක සංවිධායකයන් ඇය හමුවී ඇයගෙන් සහයෝගය ඉල්ලා සිටිනවා තම අරගලය හා එකතු වන්නට.

ඇය ඉතාම කාරුණිකව එය ප්‍රතික්ෂේප කරනවා. පුදුමයට පත් සංවිධායකයන් ඇයගෙන් කරුණු විමසනවා. “සාමය වෙනුවෙන් තියෙන රැළියකට මම එනවා” ඇය කියනවා. අපේක්ෂාව එකම ප්‍රථිඵළය. වෙනස් ගමන් මගක්. ඔබ නිතරම සිතන කියන දේ ඔබට ලැබෙනවා. මේ රහස ජීවිතයට එකතු කර ගන්න.

sarasith.wordpress.com

Sanath Gamage – Secrets of Powerful Life

පියවර හතයි!! මල් හතයි !!!

1. වගකීම බාරගන්න

2. අවසාන ප්‍රථිපලය මනසින් දැක යමක් අරඹන්න 

3. මුලින් කළයුත්ත මුලින් කරන්න 

4. ජය – ජය ගැන හිතන්න 

5. මුදිතාව වඩන්න 

6. එකමුතුව දිනන්න 

7. සැමදා ඔබේ  ආයුදය මුවහත් කරන්න

1. වගකීම බාරගන්න

අනුන්ට දොස් කිවීම කරනවා කියන්නේ තමන්ගේ ජීවිතයේ වගකීම තමන් බාර ගන්නේ නෑ කියන එක. ඔබේ ජීවිතය ජය කණුව වෙත ගෙන යන මුල්ම වැඩපිළිවෙල පටන් ගන්නේ ඔබ ඔබේ ජීවිතයේ වගකීම බාර ගැනීමෙන්. සමාවට කරුණු හොයන කිසිවෙක් තමන්ගේ වගකීම බාර නොගත්ත අයයි. ඔබේ ජීවිතයේ ජය සඳහා බාහිර සාධක වලින් ගැලවීමට කරුණු හොයන්න එපා. ඔබේ උපරිමය වෙත ඔබ ගමන් කරන්න.

2. අවසාන ප්‍රථිපලය මනසින් දැක යමක් අරඹන්න 

පරිකල්පනය මිනිසුන්ට ලැබුනු අගනාම තෑග්ගයි. යමක් අරඹන්න පෙර එම වැඩපිළිවෙල මනසින් දකින්න. ඔබ ඉතාම හැඟීමකින් මෙය කළ යුතුයි. ඔබගේ මීළඟ උසස් වීම, විදේශ සංචාරය, ඔබේ වාර්තාවට ලැබෙන ප්‍රථිචාරය මනසින් සිතුවම් කරන්න. අවසාන අවස්තාව සිතුවම් කළාම සෑම් මිසයිලයක් මෙන් එම ඉලක්කය කරා ගමන් කරන්න ඔබට ශක්තිය ලැබෙනවා. ඔබේ යටිසිත ඉලක්කය හඳුනා ගන්නේ සිතුවම් කළ විට විතරයි. 

3. මුලින් කළයුත්ත මුලින් කරන්න 

ඔබට ලැබන කාලයත් ඉහළම මට්ටමක ඉන්න කෙනාටත් දෙන්නාටම ලැබෙන්නේ එකම කාලයක්. කාලය මදියි කියලා ලතවෙන එක නවතන්න. කළයුතු කටයුතු පෙළගස්වන්න. මුලින් කළ යුතු දේ මුලින් කරන්න. 

4. ජය – ජය ගැන හිතන්න

ඔබ කරන බොහෝ කතයුතු වලදී තවත් අය සම්බන්ද වෙනවා. හැමවිටම ජය-ජය මුලධර්මය අනුගමනය කරන්න. අනෙත් කෙනාට දිනුමක් නැත්නම් එම පුද්ගලයා වැඩිකළක් ඔබ සමග එකට ගමනක් යන එක නතර කරාවි.

5. මුදිතාව වඩන්න

මුදිතාව එහෙම නැත්නම් සහකම්පනය ජීවිතයට එකතු කර ගන්න. අනෙක් කෙනාගේ දුකේදී ඔහු තේරුම් ගන්න කලින් හොඳින් ඇහුම් කන් දෙන්න. ඔහුගේ දුකේදී පඬි වදන් නොව ඔහුට හඬන්න ඔබේ උරහිස දෙන්න. ඔබේ මතය කියන්න කලින් අන අය වටහා ගන්න. අන් අයට ඇහුම් කන් දෙන්නේ නැතිව තම මතය තහවුරු කරන්න පුළුවන් කමක් නැහැ.

6. එකමුතුව දිනන්න

එකම රැහැකින් බැඳී කණ්ඩායම් ගත වෙන්න. ඔබේ පිරිස සමග එකට වැඩකිරීම තනියම වැඩ කරනවාට වඩා ඉහළ ඉලක්කයකට යන්න ශක්තිය ඇතිකරනවා. 

7. සැමදා ඔබේ  ආයුදය මුවහත් කරන්න

ඔබේ ඇතුළත ශක්තිය අවුළුවා ගන්න. අළුත් දැනුම නිතිපතා ලබා ගන්න. ඔබ සැමදා කරන කටයුතු වඩා හොඳින් කළ හැකි ආකාරය නිතරම සිතන්න. ඔබේ මනස  ජය ලබාගන්න  නැවත ලියවන වැඩසටහනකට කාලය සොයාගන්න. අළුත් පොතක්, වෙබ් අඩවියක් බලන්න. සබ්ලිමිනල් හඬ් පටයක් අහන්න. ජීවිත කාලය පුරාවට ඉගෙන ගන්න. වාහනයේ දී අළුත් පොතක හඬ පටය  MP3 ගෙන අසන්න.

Seven Good Working Habits by Sanath Gamage

Sanath Gamage
Human Skills Development Specialist
 
sarasith.wordpress.com / alokaya.com

 

ජීවිතය වෙනස් කරගන්න – පුංචි පාඩමක් 3 – පාට බැලූන්

විකුණුම් අඩු උනාම වෙළෙන්දෙක් පාට බැලූන් කීපයක් උඩට යවනවා. අහසේ බැලුන් උඩ යනවා දැක්කාම දරුවෝ දෙමාපියන්ට ඇවටිලි කරනවා බැලුමක් ඉල්ලලා. වට වෙලා හිටපු දරුවන්ට බැලුන් විකුණලා ඉවර උනු වෙළෙන්දාට කවුරු හරි තමන්ගේ අතින් අදින බව දැනුනා. බලන කොට පුංචි දරුවෙක්. වෙළෙන්දා පහත් වෙලා දරුවාට සවන් දුන්නා. උඩට යන බැලුන් අතර සුදු පාට නැති බව වටහා ගත්තා දරුවා “සුදු පාට බැලූන් උඩ යන්නේ නැත්තේ ඇයි?” වෙළෙන්දාගෙන් විමසුවා. ” බැලුන් උඩ යන්නේ පාට නිසා නෙමෙයි. බැලුම පුම්බලා තියෙන වායුව නිසා” වෙළෙන්දා වටහා දුන්නා. දරුවාගේ මූණට සිනාවක් ආවා. වෙළෙන්දා සුදු පාට බැලුමකට හීලියම් පුරුවලා දරුවාගේ අතට දුන්නා.

මේ පාඩම අපේ ජීවිතයටත් කොච්චර වටිනවාද? අපේ බාහිර රූපයට ලබා ගන්න පුළුවන් හැම දේම අපි දාලා යනවා. මේ බව හොඳටම වටහා ගන්න පුළුවන් කාලයක් මේ එන්නේ. අපි ඇතුළත ලස්සන ගැන කතා කරමු. සිතුවිලි වලින් ලස්සන වෙමු.

sanath gamage – new thoughts ,  සනත් ගමගේ සාරසිත්

ඉසුරුමත් ජීවිතයක් ලබන්න සාර සිතට ආලෝකයක් – දෙවෙනි රහස: Format your Mind with NLP – NLP සමග සිතුවිලි නැවත ලිවීම

 

NLP කියන්නේ  Neuro Linguistic Program කියන වචන වලින් හැදුනු කෙටි වචනයකුයි. ඔබේ මොළයේ ඇති ස්නායු නැවත සම්පාදනය කිරීම පිළිබඳව මේ මගින් ඉගෙන ගන්නවා. මිනිසුන් සිතන දේ, දැනෙන දේ සහ ක්‍රියා කරන දේ පිළිබඳව සොයා බලා, ජීවිතය සර්ථක කර ගත් මිනිසුන්ගේ සිතුවිලි ඔබේ කර ගත්තාම, ඒ සර්ථකත්වය ඔබටත් ලබා ගන්න පුළුවන්. ජීවිතය දිනූ මිනිසුන් පිළිබඳව කියවන්න දැනගන්න අපි ආසයි. ඒ වගේම ඒ මිනිසුන් අතරින් සමහරෙක් අපේ වීරයන් වෙනවා. ඒ ජීවිත කතා කියවන විට අපිත් ඒ වගේ වෙන්න ඕනි කියලා හිතනවා.  ඔබේ ගෞරවයට පත් වූ එවැනි වීර චරිතයක් අනුගමනය කරන්න පුළුවන් විදි කිහිපයක් තියෙනවා. ඒ අතරින් NLP මගින් කරන්න පුළුවන් සුවිශේෂම කටයුත්තක් තියෙනවා. ඔබේ ශාරීරික, මානසික වගේම භාවත්මක ශක්තීන්, කුසලතා සහ නිර්මාණශීලීත්වය උද්දීපනය කරන්න පුළුවන් බලවත් තාක්ෂණය සහ ක්‍රම NLP තුළ ගැබ්ව තියෙනවා.

NLP මුළින්ම හඳුන්වා දුන්නේ ආචාර්ය රිචඩ් බැන්ඩ්ලර් සහ ආචාර්ය ජෝන් බ්‍රින්ඩ්ලර් යන දෙදෙනා විසිනුයි. Neuro යන වචනයෙන් කියවෙන පරිදි  තුළින් ඔබේ මනසත්, මොළයත් පිළිබඳව හදාරනවා. Linguistics යන වචනයත් සමගම භාෂාව සහ වෙනත් ශබ්ද මගින් අපේ ජීවිතයේ පළදායීතාව වැඩිකරගන්න මනස වෙනස් කළ හැකි ආකාරය ගැන ඉගෙන ගන්නවා. වචනයෙන් අපේ ජීවිතයේ ඉලක්ක සහ අභිමතාර්තයන් ඉටු කරගන්න මනස ප්‍රතිචාර දක්වන විදිහ වෙනස් කරවන අයුරු ගැන ඉගෙන ගන්නවා. මේ ලිපිය මගින් අපි කතා කරන රහස අපි කොටස් දහයකින් ක්‍රම වේද දහයකින් ඉදිරිපත් කරනවා. අපි එක එක වෙන වෙනම රහසක් විදිහට එකතු කර ගනිමු.

NLP මගින් ඇන්කරින් (anchoring)  ක්‍රමය තුළින් විවිද අවස්තාවන් වලදී ඔබ දැනට පුරුදු වී සිටින හැඟීම් සහ භාවයන් වෙනස් කර වෙනස් ප්‍රතිඵළ ලබා ගත හැකි ආකාරය මගින් ඔබේ ජීවන ක්‍රමය වෙනස් කර ගන්න ඔබට පුළුවන්. NLP ඔබේ දැනට ඇති විශ්වාසයන් පිළිබඳව සොයා බලා ඒවා වෙනස් කරන්න උදවු වෙනවා. NLP අභාස ක්‍රම සමස්තයක් වශයෙන් ඔබ පිළිබඳව ඔබට ඇති හැඟීම වෙනස් කරන්න උදවු වෙනවා.

ජීවිතය වෙනස් කරන සිතුවිලි

@ සුබ සිතුවිලි ඇති අයෙක් හැම විටම කොළ පැහැය සැම තැනම දකී. අසුබ සිතුවිලි ඇති කෙනා දකින්නේම රත්හු පැහැයයි. ඒත් හැබැ ජයග්‍රාහකයා වර්ණ අන්ධ අයෙක්. ඔහු වර්ණ දෙස නොබලා සිතා බලා කටයුතු කරයි.

@ ආදරය අතැඟිළි බන්දන ඉක්මවා යන සුන්දරම දෙයක්. හිමි කම් කියන ආදරය හැබැ ආදරයක් ද? ආදරය හිමිකම් කියන්නේ නැති පුදන දෙයක් මැයි.

@ සම්මා වාචා – බොරු කීම සහ නිෂ්පළ කතා බුදුදහම බැහැර කරයි. නිවරදි කතා සුවපත් මනසක පිළිරුවයි.”

@ බිත්ති වලටත් කන් තිබේ
@ සත ගැන ඔබ බලාගන්න. රුපියල් ඔවුන් ගැන බලා ගනීවි
@ ඉහළ යන දේවල් පහළට ඒවි
@ යුද්දය සතුටක් වන්නේ එය අත් විඳ නැති අයට විතරයි – ලතින් කියමනක්
@ කණස්සල්ල කිසිම දෙයක් වෙනස් නොකරයි
@ වචන වලට පිහාටු නැතත් සැතපුම් දහස් ගනන් ඉගිලේවි. කොරියන් කියමනක් (ඕපදූප ගැන )
@ වැඩකට නැති මිනිසුන් කරුමයට බනී – බුරුම කියමනක්
@ කණස්සල්ල පුංචි දෙයටත් ලොකු හෙවනැල්ලක් ලබා දේවි – ස්විඩන කියමනක්
@ සුබ සිතුවිලි ඇති අයෙක් හැම විටම කොළ පැහැය සැම තැනම දකී. අසුබ සිතුවිලි ඇති කෙනා දකින්නේම රත්හු පැහැයයි. ඒත් හැබැ ජයග්‍රාහකයා වර්ණ අන්ධ අයෙක්. ඔහු වර්ණ දෙස නොබලා සිතා බලා කටයුතු කරයි.

@ ආදරය අතැඟිළි බන්දන ඉක්මවා යන සුන්දරම දෙයක්. හිමි කම් කියන ආදරය හැබැ ආදරයක් ද? ආදරය හිමිකම් කියන්නේ නැති පුදන දෙයක් මැයි.

@ සම්මා වාචා – බොරු කීම සහ නිෂ්පළ කතා බුදුදහම බැහැර කරයි. නිවරදි කතා සුවපත් මනසක පිළිරුවයි.”

@ සිනහව විඩාව සංසිදුවන සිහිල් සුළං දහරයි. දුක දුරු කරන හිරු කිරණයි. ලෙඩ රෝග සුව කරන දිව ඔසුවයි. කරදර වලකන විශ නාෂකයයි. උකටලී බවට එන්නතයි.

@ කවුරුන් හෝ ඔබ පහළට ඇද දමන්න උත්සහ කරනවා නම්, හිතන්න ඔබ ඔහුට වඩා ඉහළින් සිටින වග. ඔහුගේ චෝදනා, ඇනුම් පද වලින් ඔබේ ජීවිතය ඉහළට ගන්න දෙයක් තියනවා නම් ගන්න. නැත්නම්, ඒ සියළු දේ සිතින් අත් හරින්න.

@ සිය වතාවක් පැරදුනත් ඔබ පරාජිතයෙක් වන්නේ පරාජය බාර ගත්තොත් පමණයි. පරාජයක් කියා දෙයක් නැහැ. ඇත්තේ නැවත ඉගෙනීමට අවස්ථාවක් පමණයි. වැසෙන හැම මොහොතකම අළුත් දොරක් ඇරෙනවා. ඔබට නැතිවෙන හැම දෙයක්ම ඊට වඩා හොඳ දෙයක් දිනා ගන්න අළුත් අවස්ථාවක් ලබා දෙනවා.

@ අද උදෙන්ම අහසේ කළු පැහැය කෙමෙන් නිල් වන් වෙන අයුරු දුටුවාද? ඉර එලිය ඈතින් එබෙන විට ඒ අහසම රන් වන් පැහැයට හැරෙන අයුරු දුටුවාද? …. සතියට දිනක් වත් ඉර නගින හෝ ඉර බසින දසුන දකින්න. කුරුළු හඬට සවන් දෙන්න. පරිසරයේ අපූරුව විඳින ඔබ කිසිදා ආතතියට පත් වෙන්නේ නැහැ

@ පුළුවන් කම හෝ බැරි කම තීරණය වෙන්නේ ආබාදිත බවේ වත් කරුමය මතවත් නෙමෙයි. ඒක තීරණය වෙන්නේ හිතන විදිහ මතයි.

@ කරන කියන සෑම දෙයක්ම දවසින් දවස , මොහොතින් මොහොත, සෑම අතකින්ම, සෑම දෙයකින්ම සාර්ථකත්වයෙන් සාර්ථකත්වයට පත් වේවා!

@ පාට කණ්නාඩි වලින් ලෝකය බලන විට අසත්‍යයෙන් දෙනෙත් අන්ද වේ.

@ ඇහැ ළඟම තියෙන කෙස් ගහත් ලොකුවටයි පේන්නේ. ළඟම ඉන්න අයගේ වැරදිත් ඒ වගේ. වැරැද්දක් දකින හැම විටම එයාගේ හොඳත් දකින්න පුරුදු වෙන්න.

@ කොතරම් හැඩ වැඩ උනත් ඔබ කියන්නේ ඔබේ සිතුවිලි වලටයි. මේකප් කරන කාලයෙන් පහෙන් එකක් වත් ඔබේ සිතුවිලි සුද්ද කරන්න වියදම් කරනවා නම්…

@ ඉර එළියට පිටුපාන විට, හෙවනැල්ලත් ඔබ පසු කරාවි. ඒ ඉර එළිය ඔබේ ජීවිතයේ සත්‍යගරුක බවයි.

Sanath Gamage  Sarasith

වාසනාවන්තම රුපියලේ කාසිය

රමේෂ් තම පුංචි පුතාට ලෝප්‍රකට සංගීතඥයෙක්ගේ නම තැබුවේ, තම පුතුන් සංගීතයෙන් ඉදිරියට යනු ඇතැයි යන පුංචි සිතුවිල්ලත් සමගයි. හැබැයි වසර 2 1/2 ක් වෙනවිට ගෙදර තිබුන කොස්ස අරගෙන තමන් රැක බලා ගන්නා ආයාම්මාත් එක්ක ගෙදර පිටිපස්සට දුව ගෙන යන්නේ ක්‍රිකට් ගහන්න. අයියා තමන්ගේ මල්ලීගේ ක්‍රිකට් ක්‍රීඩාවට කැමැත්තෙන් පාසලේ ක්‍රිකට් කණ්ඩායමට ඇතුල් කරන්න කටයුතු කරා.
ක්‍රිකට් වලට ඒ තරම් දක්ෂ කම් පෙන්වුවේ නැතුවත් පුංචි බෝල ගෙඩියක් වගෙ පෙරලෙන දරුවා එවකට ලොව සිටිය දක්ෂතම පන්දු යවන්නාගේ පන්දු යවන්නන් පුහුණු කරන ඇකඩමියට යවන්නේ ඔහුගේ පාසලේ පුහුණු කරු රාමකාන්ත් අචේකාර් විසින්. හැබැයි ඇකඩමියේ දී ඔහුට එතරම් දක්ෂ කම් දක්වන්න පුළුවන් කමක් ලැබෙන්නේ නැහැ. ඩෙනිස් ලිලී කොතරම් මහන්සි ගත්තත් මේ දරුවා වේග පන්දුවට දක්ෂයෙක් නොවෙන බව වටහා ගත්තා. හැබැයි ආපහු හරවා යවන දරුවාගේ සිත රිදවන්න බැරි නිසා ඔහු යෝජනා කළා පන්දුවට පහර දෙන්න යොමු වෙන එක වැඩි පුර හොඳයි කියලා.

ආපහු පාසලට එන දරුවා ගෙන ආ තුන්ඩුවෙන් ලොව දක්ෂම පුහුණු කරු කියන මේ පණිවිඩය රාමකන්ත් කියවන්නේ වෙන තෙරුමකින්. ඔහු හිතන්නේ ඩෙනිස් ලිලී කියනවානම් ඔහු පන්දුවට පහර දීමට හොඳයි කියලා,,, එහෙමනම් ඇත්තටම මේ දරුවා බැටින් වලට හොඳ වෙන්න් ඕනි. ඒත් ඔහුගෙන් එහෙම සුවිශේෂ දස්කම් මතු වෙන්නේත් නෑ.

දරුවා ළඟ නොතිබුන උනන්දුව වැඩි කරන්න රාමකාන්ත් අපූරු දෙයක් කළා. විකට්ටුව මත් තිබුන බ්‍රේල්ස් ඉවත් කරලා ඒ වෙනුවට රුපියලේ කාසියක් තිබ්බා. අභියෝගයක් දුන්නා. දවසම බැට් කළොත් ඒ රුපියල ඔහුට හිමි වෙන බවට. ඒත් ප්‍රථිපළය එකමයි. විකට් ගියා. රාමකාන්ත් පන්දු යවන්නාට ඒ රුපියල ලබා දුන්නා. පුංචි දරුවාගේ ඇසට කඳුළක් නැගුනා අහිමි වූ අවස්තාව ගැන.

ඊළඟ දවසේ පුහුණුවට ආවේ පන්දුවට පහර දෙන්න නෙමෙයි. රුපියල බේර ගන්න. පැය දොළහක් තුළ විකට්ටුව රැක ගෙන රුපියල ලබා ගන්න පුළුවන් වුනා. දින දහ තුන කදී රුපියල් දහතුනක් රැස් කරගත් ඔහුට ලෝක වාර්තාවකට හිමිකම ලබා ගන්න පුළුවන් වුනා. කවුද මේ කීර්තිමත් ක්‍රීඩකයා. බලන්න ඔහු මේ කියන කතාව.

මතක සිතුවමක් සකසමු

ඔබ මතක සිතුවම් පිළිබඳ ලිපිය කියවා මෙය කියවන්න.

ඕන දේවල්

කොළයක්
පාට පෑන්
ඔයාගේ මොළය

කරන විදිහ
1. දිගටම කියවන්න

තව සැරයක් උත්සහ කරන්න

අපි ජීවිතේ කොයි තරම් අළුත් දේවල් පටන් අරන් අතරමග නතර කරලා තියෙනවාද? පොඩ්ඩක් හිතලා බලන්න. එහෙම නවත්තන්න අපිට ඕනි තරම් හේතුන් තිබුනා. අපි අපිටම සමාවට හේතු කීවා. හිත හදා ගත්තා. අප්‍රතිහත ධෛර්යය ගැන අපි කොතරම් නම් ඉගෙන ගන්න ඇත්ද? මතකද ගෙවල් 1003කින් ම ප්‍රතික්ෂේප වූ කුකුල් මස් පිගානේ කතාව. හර්ලන්ඩ් සෑන්ඩර්ස් (Colonel Harland Sanders) කොයි තරම් නම් දිරියක් පෙන්නුවාද තමන් විශ්වාස කරපු තමන් ගේ සිහිනය ගැන. ඔහු තමන්ගේ සිහිනය විශ්වාස කළා. තමන් ගේ කුකුළු මස් අළෙවිය ගැන විශ්වාසය නිසා ප්‍රතික්ෂේප වීම් ප්‍රතික්ෂේප කළා. නෝත්‍ර ඩ්‍රැම් විශ්ව විද්‍යාලයේ (Notre Dame University) අළෙවි විශේෂඥ හර්බට් ට්රූ (Herbert True) අඛණ්ඩ උත්සහය පිළිබඳ අපූරූ විශ්ලේෂණය ඉදිරිපත් කළා.

** 44% ක් අළෙවි කරුවන් තම උත්සහය පළමු උත්සහයෙන් පසු අත් හරි.
** 24% ක් අළෙවි කරුවන් තම උත්සහය දෙවන උත්සහයෙන් පසු අත් හරි.
** 14% ක් අළෙවි කරුවන් තම උත්සහය තෙවන උත්සහයෙන් පසු අත් හරි.
** 10% ක් අළෙවි කරුවන් තම උත්සහය සිවුවෙනි උත්සහයෙන් පසු අත් හරි.

මේ සියළු දත්ත පෙන්වන්නේ අපි කොයි තරම් ඉක්මනට උත්සහය අත හරිනවාද යන්නයි. මිනිසුන්ගෙන් 8%ක් විතරයි පස් වතාවක් වත් උත්සහ කරන්නේ. හැබැයි විශිෂ්ඨයන් බිහි වෙන්නේ නොකඩවාම කරන උත්සහය නිසා. මතකද තෝමස් අල්වා එඩිසන් ගේ උත්සහයේ තරම. ලෝ සුපතල කාටූන් ශිල්පී වෝල්ට් ඩිස්නි ගේ කාටූන් දැකපු පුවත් පත් කතු වරුන් මේවා චිත්‍ර දැයි විමසමින් අපහාස කළා. ඒත් ඔහු තමන් ගැන විශ්වාසය නැති කරගත්තේ නැහැ. වැඩක් අසාර්ථක වෙන විට එය අතහැර දමන්න හිතෙනවා තමයි. ඒක සාමාන්‍ය තත්වයක්. හැබැයි ඔබේ සාර්තකත්වය රඳා පවතින්නේ අත් හැර දමන්න හිතෙන හැම විටම තව ටිකක් උත්සහ කිරීමෙන්.

තිලෝ ගුරු බුදුරදුන් බුද්ධත්වය ලබන්න ආසන්න වෙනවිටයි මරඟනන් උන් වහන්සේගේ උත්සහය අඩපන කරන්න උත්සහ කරන්නේ. ජේසු තුමන් ගේ විශ්වාසය බිඳ දමන්න සාතන් කොතරම් උත්සහ කළත් කුරුසයේදීත් උන් වහන්සේගේ අවධානය බිඳ දමන්න අසමත් උනා.

ටයිටැනික් සහ ටර්මිනේටර් චිත්‍රපට කළ සම්මානනීය අධ්‍යක්ෂ ජේම්ස් කැමරන් තමන් ගැන මෙසේ කියයි. මිනිසුන් මා පූර්ණ නිදොස් පුද්ගලයෙකු ලෙස කීවත්, මම නිවරදි වන තුරුම එකම දෙය නැවත නැවතත් කරමි. යමක් සාර්තකවීම පසු පස ඇත්තේ අප්‍රතිහත ධෛර්යයයි.

තව සැරයක් උත්සහ කරන්න, ලොකු ගල් පර්වතයක් හොලවන්න පුංචි දිය දහරකට බෑ. ඒත් පුංචි දිය දරම දිගින් දිගටම ගලන විට ගල් පර්වතය කොයිතරම් විශාල වුනත් ඒ ගල් පර්වතය වෙනස් කරන්න පුළුවන් කම ලැබෙනවා.

මිනිසුන් අත්හැර දමන්න සිතන්නේ එය ජයග්‍රහනය කරා ළඟා වෙනවිටමයි. අත හරින්න හිතෙන හැම වෙලාවේම තව ටිකක් උත්සහ කරන්න බලන්න.

Sarasith by Sanath Gamage

කෙටි කාලීන මතකය සහ දිගු කාලීන මතකය

ඔබ ලබා ගන්නා තොරතුරු තත්පර කීපයක සිට විනාඩි කිහිපයක් ඔබේ මතකයේ තිබී එය අමතක වීමට පුළුවන්. දුරකථන අංක කිහිපයක් එකින් එක කියවා එය භාවිතා කර ඇමතුම් ලබා ගන්නා මොහොතක් ගැන මෙනෙහි කරන්න. එම කාර්ය්‍ය කිරීමට එම අංක මතකයේ තිබුනත් විනාඩි කිහිපයකට පසුව එම අංක ඔබේ මතකයෙන් ගිලිහි යයි. පහසුවෙන් බිඳෙන සුළු කෙටි කාලීන මතකයට හැම දුරකතන අංකයක්ම මතක තබා ගැනීමට සිදු වුනොත් ඉතාම කෙටි කාලයකින් එම මතක ගබඩාව පිරී යාවි. එම නිසා කෙටි කාලීන මතකයේ ස්වභාවයම එම තොරතුරු අමතක කර දැමීමයි.

ඔබට සාමාන්‍යයෙන් එක් වර පහසුවෙන් තබා ගත හැක්කේ දත්ත හතරක් පමණයි. ඒ ප්‍රමාණය දොළහක් වුනොත් ටිකක් අපහසු වෙනවා. ඔබට දත්ත 150ක් මතක තබා ගන්න නම් අපි වෙනත් උපක්‍රමයක් පාවිච්චි කරන්න වෙනවා. මේ චේදයේ මුල් වාක්‍ය දෙකේ අකුරු 150 කට වඩා වැඩියි. හැබැයි ඒ වාක්‍ය දෙක මතක තබා ගැනීම පහසුයි. ඔබේ කෙටිකාලීන මතකයට මේ හැකියාව ලැබුනේ ඒ අකුරු වලට අරුතක් එක් වූ නිසා. ඔබට මතකයට ගත යුතු දේ වලට අරුතක් දෙන්න. එවිට මතක තබා ගැනීම පහසු වේවි.

ඔබ දුරකතන අංකයක් පාවිච්චි කරන විදිහටම ඔබේ පාඩම් මතක තබා ගන්න උත්සහ කරනවා නම් ඒ පාඩම් වලටත් අත්වන ඉරණම ඔබ වටහා ගන්න ඇති. 0773658658 අංකය අංකිත දහයම මතක තබා ගැනීමට එය වඩා හොඳින් සංවිධානය කර ගත යුතුයි. 0773 658 658 ලෙස අංකිත වෙන් කර ගත් විට එය වඩාත් පහසු වේවි. අංක රිද්මයට කියන්න පුළුවන් උනාම මතක තබා ගැනීමේ හැකියාව තවත් වැඩි වෙනවා. කෙටි කාලීන මතකය වැඩි කරගන්න පුළුවන් හොඳ ක්‍රීඩාවක් ඔබට අන්තර් ජාලයේදී කරන්න පුළුවන්. බ්‍රේන් වර්ක්ෂොප් වෙබ් අඩවිය ඔබට මේ සඳහා යොදා ගන්න පුළුවන්.

අපි ඉදිරියේ ඇති අභියෝගය අවශ්‍ය තොරතුරු දිගු කාලීන මතකයට ගැනීමයි. අපි මේ ගැනත් කථා කරමු.

Sanath Gamage
සනත් ගමගේ

ක්‍රියාත්මක වෙන්න

වඩා වැදගත් වෙන්නේ අපි සිතන දෙය, අපි දන්නා දෙය හෝ අපි විශ්වාස කරන දෙය නොවෙයි. අවසානයේදී වඩාත් වැදගත් වෙන්නේ අපි කළ දෙයයි. දැන්මම ක්‍රියාත්මක වෙන්න.
– ජෝන් රස්කින් (ඉංග්‍රීසි ලේඛක) John Ruskin

සාර්ථක වාහන නිශ්පාදකයා සහ ආරම්භකයා කාල් බෙන්ස්………

අසාර්ථකත්වයේ සංකේතය වූ කර්මාන්තය තම පෙම්වතියගේ උදවුවෙන් යලිත් ගොඩ නැගූ, අවුරුදු දෙකෙන් පියා අහිමි වූ, සාර්ථක වාහන නිශ්පාදකයා සහ ආරම්භකයා කාල් බෙන්ස්………

Sanath Gamage reminds story of Benz. In 1885, German mechanical engineer, Karl Benz designed and built the world’s first practical automobile to be powered by an internal-combustion engine. On January 29, 1886, Benz received the first patent (DRP No. 37435) for a gas-fueled car. It was a three-wheeler; Benz built his first four-wheeled car in 1891. Benz & Company, the company started by the inventor, became the world’s largest manufacturer of automobiles by 1900.

රොබින් දූපතින් නිදහස් වු සිරකරුවෙක්

සුදු අධිරාජ්‍යයවාදී පාලනයට විරුද්ධව අවුරුදු 27 ක් රොබින් දූපතින් සිරකරුවෙක් නිදහස් වුණා. ඔහුට ආදරය කරපු ලක්ෂ 5ක ජනතාව… ඔහුගේ කටහඩ අහන්න ඔහුව පිළිගන්න සැරසුනේ මෙහෙමයි.

Sanath Gamaghe memorize the event.

Nelson Mandela’s time in prison, which amounted to almost 27 years, was marked by many small and large events which played a crucial part in shaping the personality and attitudes of the man who was to become the first President of a democratic South Africa. Many fellow prisoners and warders influenced him and he, in his turn, influenced them. While he was in jail his mother and son died, his wife was banned and subjected to continuous arrest and harassment, and the liberation movement was reduced to isolated groups of activists.

පාසලෙන් එළවපු නිපැයුම් කරු

ඉගෙන ගන්න බෑ කියලා මාස 3 කින් පාසලෙන් එලෙව්වා. ඒක ඔහුගේ චින්තනය නිදහස් කළා. ලෝ සුපිරිම නිමැයුම් කරු.. ජීවිතේ හැම බිද වැටීමක්ම සුභවාදී පැත්ත දැක්කා..

Thomas Alva Edison (February 11, 1847 – Oct. 18, 1931) was an American inventor who, singly or jointly, held a world record 1,093 patents. In addition, he created the world’s first industrial research laboratory. Sanath Gamage presents this great inverter

Thomas Alva Edison inventor of the Incandescent Light Bulb and The Phonograph Player Thomas Edison was 12 years old when he begun printing his own weekly tabloid newspaper which he named The Grand Trunk Weekly! Thomas Edison was at the ripe old age of 10 when he set up his own laboratory in the basement of his home. Thomas Alva Edison developed the flat disc, created the first fireside record player! His other inventions include searchlight, talking doll, dc alkaline batteries and then he made the electric car. Now in this time of the 21st century the electric automobile has become a part of our everyday life! It was Thomas Edison who encouraged his close friend Henry Ford to get into motor car manufacturing! Both Thomas Edison and Henry Ford was more than just friends; they were more like blood brothers!