ජීවිතය දිනවන සුබ සිතුවිලි

බැලූන් විකුණා ජීවත් වෙන වෙළෙන්දෙකු සිටියා. කහ, රතු, නිල්, කොල වගේ විවිද පාට වල බැලූන් ඔහු ළඟ පිරිලා තිබුනා. බැලූන් විකුණුම අඩු උන වෙලාවට ඔහු බැලුමකට හීලියම් පුරවලා අහසේ පා කරා. අහසේ බැලුමක් පාවෙනවා දැක්ක ගමන් පුංචි දරුවන්ට බැලුන් ඕනි උනා.  දරුවන් මොහොතකින් බැලුන් වෙළෙන්දාව වට කර ගන්නව බැලූන් මිළට ගන්න.

වෙළෙන්දා මේ ක්‍රියාව දිනපතාම කළා. දවසක් ඔහුට දැනුනා තමන්ගේ අතින් කවුරු හෝ අදින බව්. ඒ දෙස බැලුවාම ඔහු දුටුවේ පුංචි දරුවෙක්. “කළු පාට බැලුමකුත් අතහැරියොත් උඩ යනවාද?” පුංචි  දරුවා බොහොම සෙමෙන් ඇසුවා. දරුවාගේ සෙවිල්ල ගැන සතුටු වුනු වෙළෙන්දා බොහොම මුදිතාවෙන් දරුවාට පිළිතුරු දුන්නා. “පුතේ, බැලුමක් උඩ යන්නේ පට හින්දා නෙමෙයි. ඒක ඇතුලේ තියෙන දේ හින්දායි” .