බ්‍රැඩ්මන් ගේ දුක නිසා වානේ පන්නරය ලැබූ හැටි

දුක් විඳින්න නියම තියෙන්නේ වානේ වගේ සවිමත් වෙන්නමයි. ඩොනල්ඩ් බ්‍රැඩ්මන් කියන පුංචි කොල්ලා ක්‍රිකට් ලෝකේ වීරයෙක් වුනේ බෝලයක් වත් ගන්න විදිහක් නැතුව. ඔහුට තමන් එක්ක එකට් සෙල්ලම් කරන්න කිසිම කෙනෙක් හිටියේ නෑ. තිබුනේ පොඩි ටික් බෝලෙකුයි, රවුම් තප්පෙකුයි විතරයි.ඒත් ඔහුගේ ගමන එන්න පුළුවන් වුනේ නොතිත් ආශාව නිසාමයි.

Sanath Gamage Sarasith
Dinuma

Sanath Gamage
Human Skills Development Specialist

ඔබේ මොළේ වර්ධනය සමබර ද?

රොබට් ඕර්න්ස්ටේන් සහ රොජර් ස්පෙරි යන විද්‍යාඥයන් දෙදෙනා අපේ මොළයේ ක්‍රියාකාරිත්වය ගැන ඉතා මත් වැදගත් සොයා ගැනීමක් කළා. ඒ සඳහා ඔවුන් නොබෙල් සම්මානයෙන් පවා පිදුම් ලැබුවා. මේ සොයා ගැනීම නම්, අපේ මොළය වෙන වෙනම කාර්ය්‍යයන් දෙකක් පැවරී ඇති කොටස් දෙකකින් සමන් විත බවයි.

ඒ අනුව අපේ වම් මොළය බොහෝ වශයෙන් අපේ අධ්‍යාපනයට සම්බන්ද කටයුතු වලට සම්බන්ද බව සාකච්ජා වුනා. එම කටයුතු අතර පිළිවෙල, ගණිතමය කටයුතු, තර්ක කිරීම, කියවීම්, භාෂා ඉගෙන ගැනීම් වැනි කටයුතු වල නියලෙනවා. දකුණු මොළය මෙහි සම්පූර්ණයෙන්ම අනෙක් පැත්ත ගැන ක්‍රියා කරනවා. කිරීම, කියවීම්, භාෂා ඉගෙන ගැනීම් වැනි කටයුතු වල නියලෙනවා. දකුණු මොළය මෙහි සම්පූර්ණයෙන්ම අනෙක් පැත්ත ගැන ක්‍රියා කරනවා. නිර්මාණ ශීලි කටයුතු, රූප හා වර්ණ භාවිතය, සංගීතය හා රිද්මය, සිතීම වැනි පූර්ණ සහ කලාත්මක කටයුතු වල නිරත වෙනවා. සමබර සංවර්ධනයකට වගේ ම මතක ශක්තිය වැඩි කරගන්න මේ අංශ දෙකේම වර්ධනයක් අවශ්‍ය වෙනවා.

කොටස් සහ එහි වෙනස් කම්, කෙරෙහි වම් මොළය සලකන විට එය එකක් ලෙස සහ එහි සමානකම් ගැන දකුණු මොළය සලකනවා. තාර්කික බවි ව්ම් මොළය තීරණ ගන්නා විට හැගීම් වලින් තීරණ ගන්න දකුණු මොළය පොළඹවනවා. වචන දෙස වම් මොළයත් රූප දෙස දකුණු මොළයත් අවදානය යොමු කරනවා. වම් මොළයට කාලය පිළිබඳ හැගීමක් තිබුනත් දකුණු මොළය ඒ ගැන සිතන්නේ නැහැ. ක්‍රමානුකූලව හේතු සොයමින් වම් මොළය ඉගෙන ගත්තත් තීරණ ගත්තත්, දකුණු මොළය සහජ ඥානයට සහ එක් වරම ගන්නා තීරණ වලට මුල් තැන දෙනවා.

පාසල් අධ්‍යාපනයට තියෙන එක ලොකු චෝදනාවක් තමයි වම් මොළයේ සංවර්ධනය සඳහා වැඩි වශයෙන් අවධානය ලබා දෙන බව.වම් මොළය සහ දකුණු මොළය සංවර්ධනය කර ගන්න පුළුවන් අභාස කිහිපයක් අපි කරමු.

වම් මොළය සංවර්ධනය සඳහා ක්‍රියාකාරකම්
පොත් රාක්කය පිළිවෙලට අස් කරන්න
පරිගනක වල වැඩ කිරීම
ඔබේ ජීවිතයේ සිහිවටන පිළිවෙලට තබන්න
ඔබේ වයස ඩින පැය විනාඩි ත්ත්පර වලින් ගනන් තියන්න
ගණිත ගැටළු විසඳන්න
සමාජමය ගැටළු වල හේතු සොයන්න
අයවැය සකස් කරන්න

දකුණු මොළය වර්ධනය සඳහා වන ක්‍රියාකාරකම්
සුන්දර පරිසරයක චමත්කාරය විඳින්න
මුහුදු වෙරලක සෙල්ලම් කරන්න
ගීයක් මුමුණන්න, රිද්මයට නටන්න
ඔබ සඳහා ලාංජනයක් නිර්මාණය කරන්න
මාළු ටැංකිය දෙස බලා සිටින්න
සතකු සුරතල් කරන්න

ඔබේ බුද්ධිය සමබරව වඩවන වැඩ මුළු සඳහා සහභාගී වන්න

Sanath Gamage
Human Skills Development Specialist

විභාගය ජයගන්න නම්, හොඳින් නිදා ගන්න.

විභාගයක් ඉදිරියේදී තියනවා නම්, මුලින්ම කැප කරන්න වෙන්නේ නින්ද. විභාගය සහ නින්ද අතර තිබෙන්නේ ප්‍රතිලොම සම්බන්දයක්. විභාගයක් ජය ගන්න, ඔබේ බුද්ධි මට්ටම ප්‍රශස්තව තිබිය යුතුයි. විභාගයක් කියන්නේ ඔබ පාඩම් කරපු දේ නැවත ලිවීමක් විතරක් නම්, නිදි මරාගෙන පාඩම් කරලා ඒ ටික සියල්ල විභාග මධ්‍යස්ථානයේදී ලියගන්න පුළුවන්. ජය ගන්නත් පුළුවන්.

ඒත් විභාගයක් කියන්නේ වැමෑරීම නෙමෙයි. විභාගයකදී ගැටළු අවබෝදය සහ විසඳීම අනිවාර්ය වෙනවා. අද අපි ඉදිරියේ දකින්න තියෙන ප්‍රදාන ගැටළුවක් තමයි හොඳින් පාඩම් කරන ළමුන් විභාග වලින් බලාපොරොත්තු වූ තරම් හොඳ මට්ටමක් කරා ළඟා වී නොතිබීම. ඒත් විභාගයක් කියන්නේ වැමෑරීම නෙමෙයි. විභාගයකදී ගැටළු අවබෝදය සහ විසඳීම අනිවාර්ය වෙනවා. අද අපි ඉදිරියේ දකින්න තියෙන ප්‍රදාන ගැටළුවක් තමයි හොඳින් පාඩම් කරන ළමුන් විභාග වලින් බලාපොරොත්තු වූ තරම් හොඳ මට්ටමක් කරා ළඟා වී නොතිබීම. මේ ගැටළුව සඳහා නින්ද සහ බුද්ධිය අතර තියෙන මේ ප්‍රතිලෝම සම්බන්දයත් වග කිව යුතුයි.

නිදි මැරීම බුද්ධි මට්ටම අඩු කරන්න හේතු වන බව වෛද්‍යවරුන් සොයා ගෙන තිබෙනවා. මේ තත්වය අපි ඉදිරියේ වඩාත් වැඩි අභියෝගයක් එල්ල කරනවා. ඒ තිබෙන කාලය වඩාත් හොඳින් පාවිච්චි කිරීම. විභාගය කිට්ටු වෙන්න වෙන්න නින්ද අඩු කළ යුතු නැහැ. විභාගයට පෙර දින අනිවාර්යයෙන්ම හොඳින් නිදා ගත යුතුමයි. මේ සාකච්චාමය වැඩ සටහන මේ පිළිබඳව තව දුරටත් සාකච්චා කරනවා.

කෙටි කාලීන මතකය සහ දිගු කාලීන මතකය

ඔබ ලබා ගන්නා තොරතුරු තත්පර කීපයක සිට විනාඩි කිහිපයක් ඔබේ මතකයේ තිබී එය අමතක වීමට පුළුවන්. දුරකථන අංක කිහිපයක් එකින් එක කියවා එය භාවිතා කර ඇමතුම් ලබා ගන්නා මොහොතක් ගැන මෙනෙහි කරන්න. එම කාර්ය්‍ය කිරීමට එම අංක මතකයේ තිබුනත් විනාඩි කිහිපයකට පසුව එම අංක ඔබේ මතකයෙන් ගිලිහි යයි. පහසුවෙන් බිඳෙන සුළු කෙටි කාලීන මතකයට හැම දුරකතන අංකයක්ම මතක තබා ගැනීමට සිදු වුනොත් ඉතාම කෙටි කාලයකින් එම මතක ගබඩාව පිරී යාවි. එම නිසා කෙටි කාලීන මතකයේ ස්වභාවයම එම තොරතුරු අමතක කර දැමීමයි.

ඔබට සාමාන්‍යයෙන් එක් වර පහසුවෙන් තබා ගත හැක්කේ දත්ත හතරක් පමණයි. ඒ ප්‍රමාණය දොළහක් වුනොත් ටිකක් අපහසු වෙනවා. ඔබට දත්ත 150ක් මතක තබා ගන්න නම් අපි වෙනත් උපක්‍රමයක් පාවිච්චි කරන්න වෙනවා. මේ චේදයේ මුල් වාක්‍ය දෙකේ අකුරු 150 කට වඩා වැඩියි. හැබැයි ඒ වාක්‍ය දෙක මතක තබා ගැනීම පහසුයි. ඔබේ කෙටිකාලීන මතකයට මේ හැකියාව ලැබුනේ ඒ අකුරු වලට අරුතක් එක් වූ නිසා. ඔබට මතකයට ගත යුතු දේ වලට අරුතක් දෙන්න. එවිට මතක තබා ගැනීම පහසු වේවි.

ඔබ දුරකතන අංකයක් පාවිච්චි කරන විදිහටම ඔබේ පාඩම් මතක තබා ගන්න උත්සහ කරනවා නම් ඒ පාඩම් වලටත් අත්වන ඉරණම ඔබ වටහා ගන්න ඇති. 0773658658 අංකය අංකිත දහයම මතක තබා ගැනීමට එය වඩා හොඳින් සංවිධානය කර ගත යුතුයි. 0773 658 658 ලෙස අංකිත වෙන් කර ගත් විට එය වඩාත් පහසු වේවි. අංක රිද්මයට කියන්න පුළුවන් උනාම මතක තබා ගැනීමේ හැකියාව තවත් වැඩි වෙනවා. කෙටි කාලීන මතකය වැඩි කරගන්න පුළුවන් හොඳ ක්‍රීඩාවක් ඔබට අන්තර් ජාලයේදී කරන්න පුළුවන්. බ්‍රේන් වර්ක්ෂොප් වෙබ් අඩවිය ඔබට මේ සඳහා යොදා ගන්න පුළුවන්.

අපි ඉදිරියේ ඇති අභියෝගය අවශ්‍ය තොරතුරු දිගු කාලීන මතකයට ගැනීමයි. අපි මේ ගැනත් කථා කරමු.

Sanath Gamage
සනත් ගමගේ

ක්‍රියාත්මක වෙන්න

වඩා වැදගත් වෙන්නේ අපි සිතන දෙය, අපි දන්නා දෙය හෝ අපි විශ්වාස කරන දෙය නොවෙයි. අවසානයේදී වඩාත් වැදගත් වෙන්නේ අපි කළ දෙයයි. දැන්මම ක්‍රියාත්මක වෙන්න.
– ජෝන් රස්කින් (ඉංග්‍රීසි ලේඛක) John Ruskin

පොතක් කියවන විට

පොතක් කියවන විට පෑනක් පැන්සලක් සමග ඔබේ සටහන් පොතත් ලඟට ගන්න. කියවගෙන යන විට අවශ්‍ය සටහන් තබා ගන්න. ඒ සටහන් නැවත කියවන්න. සෑම විනඩි 25 කට වරක් විනාඩි පහකවත් විවෙකයක් ගන්න.

අවවාදයත් හිම වගෙයි. ලැබෙන විට හිම මෙන් සැහැල්ලුයි. ඉන් පසුව ඔබත් සමග ජීවත් වෙයි. ටික කලක් යන විට ඔබේ යටි සිතට කිඳා බසී. – සැමුවෙල් ටේලර් Samuel Tayler
ඉංග්‍රීසි කවියෙකි

දක්ෂතාවය අපි කඩෙන් ගන්න ලුනු වලටත් වඩා ලාබෙට ගන්න පුළුවන්. තම අරමුන වෙනුවෙන් අසීමිතව කැපවෙන කෙනෙකුට ලෙහෙසියෙන් දක්ෂතාව පසු කරගෙන යන්න පුළුවන්.
– ස්ටීවන් කින් Stephen King
ජනප්‍රිය ඇමරිකානු ලේඛකයෙකි

ඔබේ තීරණ

අපි අපේ ජීවිත වල ඉදිරියට යද්දී දහසකුත් අභියෝග හමු වෙනවා. අභියෝග නොමැතිව ඉදිරියට යන ජිවිතයක කිසිම වටිනාකමක්, සුන්දරත්වයක් නැහැ. අපි මෙහෙම හිතමුකෝ..,

මහවැලිය ලංකාවේ දිගම ඟංගාව. ලංකාව පුරාම කෙත් වතු සරු සාර කරන්න වතුර බෙදන මහවැලිය කරන්නේ සුවිසල් කාර්ය්‍යක්. ලංකාව පුරාම විහිදිලා තියෙන මහවැලිය ගම් නියම් ගම් වල අසිරිය, දුක සැප විදගෙන මහ සයුරත් එක්ක එකතු වෙනවා. ඒත් කවුද විශේෂ කරලා මහවැලිය බලන්න යන්නේ. හිතන්න.. දුන්හිඳ, දියලුම දිය ඇලි ගැන. මහවැලිය කරන සේව‍ය වගේ බාගයක් වත් කරන්නෑ. හැබැයි මෙහි විශේෂත්වය මොකක්ද..? ඒ සුන්දරත්වය…

ගස් වල අතුපතර අස්සෙන්, විවිධ හැඩ ගත්ත ගල් කුලවල් අස්සෙන්, පෙද පාසී වල හැපෙමින්, සුදු පාට පෙන කැටි විසිකරමින් නිදහසේ ගලා හැලෙන, අවට ඉන්න අයට ඔච්චමට වතුර බිංදු ඉහින දුන්හිඳ, ලක්ෂපාන හරිම සුන්දරයි. බලාගෙන ඉන්න ආසයි..

මේ මහවැලියයි.., දුන්හිඳ, දියලුමයි අතර තියෙන්නේ මෙන්න මේ වෙනස. ජීවිතේ මේ වගේ. අපේ ජීවිතේ විශේෂතා ගොඩනගා ගන්න නම් ඔයා මහවැලියක් වෙලා හරි යන්නැහැ. දුන්හිඳක්, දියලුමක් වෙන එක අනිවාර්ය්‍යයි.

ඔයා අභියෝග වලට මුහුණ දෙනවනේ. ඒ වෙලාවට ඒ දේවල් වලට බය වෙලා හරි යනවද..? නැහැ. ගොඩාක් සාර්ථක වෙලා ඒ දේවල් වලට අභියෝගාත්මකව මුහුණ දෙන්න. ජීවත් වෙනවා කියන්නේ සුවිසල් අභියෝගයක්. ඒ අභියෝගය ජය ගන්නවා කියන එක හරිම පහසුයි.

යමක් කරන්න අපි ආරම්භ කරද්දී අපි ගන්නේ හොඳම තීරණයද..? අපි තීරණ ගන්නේ දෙපාරක් හිතලද..? අපි තීරණ ගන්නේ තනිවමද.? අපි තීරණ ගන්න බයද..?

අපි අපේ සිත තුළ තෙරපෙන සිතුවිලි වලට ඇහුම්කන් දීලා තමයි හැම දෙයක්ම කරන්නේ. අපි ඒ කරණ දේ තීරණය කරා වගේම ඒ හරි තීරණයද කියලා ආයමත් සැරයක් හිතුවොත්.., ඒ තමා හොඳම දේ වෙන්නේ.

අපිට සමහර අවස්ථා වලදී වැරදෙන්න පුළුවන්. හැබැයි තවත් වතාවක් අපි උත්සහ කල යුතුයි. මොකද පළවෙනි වතාව වැරදුනාට දෙවැනි වතාව අපිට වරදින්න විදියක් නැහැ. වැදගත්ම දේ ඔබ කළ යුතු දේ ඔබම තීරණය කරන එක. නැතුව ඔබේ තීරණ වෙන කෙනෙකුට ගන්න දෙන්න එපා. වෙන කෙනෙකුගේ තීරණ ඔබ ගන්නත් එපා. මොකද එහි හොඳ හෝ නරක ප්‍රතිඵල දෙකම ඔබ සතු නිසා.

අනිත් කාරණය ලැබෙන ප්‍රතිථලය මොකක් වෙයිද කියලා හිතලා බයට තීරණ නොගෙන ඉන්නවද..? ඔබ පළමුවෙන්ම ඔබව විශ්වාස කරන්න. ඒ ගොඩ නගාගන්න විශ්වාසය හරහා තීරණ ගන්න ඔබ තුළ තියෙන අසාමාන්‍ය බය අත හරින්න. ඔබ තීරණ ගැනීමට බය වුවහොත් ඔබගේ ජීවිතේ අතරමඟ අනිවාරෙන්ම නවතිනවා.

ඔබ ඔබට ලැබෙන දේ ඉහළින් ලබන්න නම් ඔබ ගන්න තීරණ.. නියම වෙලාවට හොඳට හිතලා, නොබියව අරගන්න. පරාජයක් බලාපොරොත්තු නොවී ජයග්‍රහණය පමණක්ම බලාපොරොත්තු වෙන්න…

දෑස් වලින් කතා කරමු

ඔයා වගේම මමත් කතා කරනවානේ. බලන්න ඔයා මාත් එක්ක කතා කරද්දී, ඔයා ආදරේ කරන කෙනාට කතා කරද්දී කොච්චර වෙනස්ද කියලා. කටින් විතරක්ම නෙවේ. අපි ආදරේ කරද්දී ඇස් වලිනුත් කතා කරනවා.

ඔයා ආදරේ කරද්දී, ආදරේ කරන කෙනා ලඟ ඉද්දී ඔහුට තියෙන බැදීම එක වචනෙකින්වත්කතා නොකර ඔයා හරිම පැහැදිලිව, සරලව ඔයාගේ ඇස් දෙකෙන් කියනවා. ඒ හැම දේම ඔයාගේ ආදර වන්තයාගෙන් ලැබෙනවා.. ඔයාලා හමුවෙන මොහොතෙදීම මුලින්ම දකින තප්පරේ ඉදලා කටින්{මුවින්} කතා නොකලට හදවතේ තියෙන හැම බැදීමක්ම, සිතුවිල්ලක්ම ඔයා එයත් එක්ක සුහඳව හුවමාරු කර ගන්නවා ඔයාගේ ඇස් දෙකෙන්. ඇස් දෙක ඔයාට මේ ස්භාවධර්මය තෑගී කරලා තියෙන්නේ බලන්න විතරක්ම නෙවේ. හරිම සංවේදිව, අවංකව අපිට හමු වෙන අයත් එක්ක අදහස් හුවමාරු කර ගන්න පුළුවන් සන්නිවේදන ඉන්ද්‍රියක් කරලා.

ඔයාට මම පුංචි දෙයක් කියන්නම්. ඔයාට කෙනෙක් එක්ක කතා කරද්දී.. ඇත්තටම එයා ඔයාට ඇත්ත කතා කරනවද, අවංක වෙනවද, අව්‍යාජද කියලා හොයා ගන්න එක හරිම ලේසියි. ඔයා දන්නවද හොරයක්, බොරුවක්, වංචාවක් ඔයා වෙනුවෙන් කෙනෙක් හිතේ තියාගෙන කතා කරනවා නම් කොච්චර හිනා වෙලා කටින් කතා කලත් එයාට ඔයාගේ ඇස් දෙක දිහා බලලා කතා කරන්න බැරි වෙවි. ඔයා වුණත් ඒ අපහසුතාවයට පත් වෙයි.

මේක හරිම ලස්සන පාඩමක්. ඔයා ජීවිතේදි ඔයාට හමු වෙන හැම කෙනෙක්ටම සුහඳ වෙන්න. කතා කරන දේ ඔයාගේ මුලු හදවතින්ම කතා කරන්න. එයාගේ දෑසට එබෙන්න. කටින් කතා කරන හැම වචනෙම ඔයාගේ ඇස් දෙක හරහද එයාට ලැබෙන්න සලස්වන්න. ඒක ඔයාට වගේම එයාටත් ලොකුම ලොකු ආශිර්වාදයක් වෙවි. ඔයාට ලොකුම ලොකු පහසුවක් දැනේවී. කරන හැම දෙයක්ම සැහැල්ලුවෙන් දැනේවී.

ඔයා මේ ගතිගුණ කෙටි කාලයකට සීමා කරන්න එපා. ඔයා ආදරේ කරන කාලෙදී ඔයාගේ ආදර වන්තයාට කටින් කතා කලා වගේ, ඇස් වලින් කතා කලා වගේම වියපත් වුණහමත් ඔයාගේ මහත්තයාට ඒ විදියට කතා කරන්න. සුහඳ වෙන්න. ඒ ඇමතීම සුන්දර වෙවි. මුළු ජීවිත කාලය පුරාම ඔයා නැවුම් දිනක් ගෙවාවි. ඔයා විතරක් නෙවේ.. ඔයා වටේ ජීවත් වෙන අයත් මේ වෙනසට හුරු වෙවි. ඔයා කරප් ඒ පුංචි වෙනසින් ජීවිත ගණනකගේ ජීවිත වලට ලොකු වෙනසක් ගෙන්නඔයාට පුළවන් වේවී. මන්ද යත් බුදුන් වහන්සේ එදා කරපු අනිමිස පූජාවේ ආනිසංසයෙන් අවුරුදු 2599 ක් වෙලත් ජය ශ්‍රී මහ බෝධිය අදටත් දළු දානවා.

ගහ කොළ මල් කදු වැටි නිසොල්මනේ අසා සිටිනවා..
අපේ පෙම් පිළිසඳරේ
රස වෑහෙන සිලෝ ගීතිකා – රහසේ
දෑස් වලින් කතා කරමු..

රන් දුනුකේ මල් මුවරද දෙතොල් විතේ රැඳී දිලේ
රැයේ – අඳුරේ ඒ මීවිත මටයි
එවිට ඔබට කතා නෑ – රහසේ
දෑස් වලින් කතා කරමු..

සීගිරියේ පෙම් සිරිසර නිසල ලෙසින් ගල් අරඹේ
ඹබේ – සෙවනේ මා ගී හඬ ගොළුයි
මුවට වදන් මතක නෑ – රසසේ
දෑස් වලින් කතා කරමු….

ගහ කොළ මල් කදු වැටි…

වෘත්තීය අධ්‍යාපනය

රැකියාවකට යන්න වෘත්තීය අධ්‍යාපනය කොතරම් වටිනවාද? ඔබට තෝරා ගන්න සුදුසු පාඨමාලාව තෝරා ගන්නේ කොහොමද ? ප්‍රශ්න වලට පිළිතුරු හොයන්න අපි උත්සහ කරනවා අද රෑ 9.30 ට සියත රූපවාහිනියෙන්. අපි එනවා ඔබේ ගෙදරට.

ඔබේ ජීවිතයේ සතුට ඔබම නිර්මානය කර ගතයුතු නිසා

කාලගුණය කොතරම් නරක උනත් අපි කාලගුණය සමග සටන් කරන්න යන්නෙ නෑ. අපි ඒ වෙනුවට කරන්නේ කාලගුණයට අනුව හැඩ ගැහෙන එක. සීතල දවසට අපි ඒ තත්වයට ඔරොත්තු දෙන ඇඳුම් අඳිනවා. ඒ ඇඳුම් රස්නෙ දවසට අඳින්නේ නෑ නේද?
කාලගුණය අපිට පාලනය කරන්න බැරි නිසා අපි කාලගුණය වෙනස් කරන්න උත්සහ කරන්නේ නෑ. හැබැයි අපේ ජීවිතේ අපිට පාලනය කරන්න බැරි සාධක අපි වෙනස් කරන්න උත්සහ කරලා හති වට්ටගන්නවා. බඩු මිල, දරුවන්ගේ ලකුණු, සහකරුවාගෙ ගති ගුණ, තව කොතරම් දේවල් තියනවාද?
ඔබේ ජීවිතයේ සතුට ඔබම නිර්මානය කර ගතයුතු නිසා ඔබට පාලනය කරන්න බැරි දේ ගැන කරදර වෙන එක නවත්වන්න. බලන්න ජීවිතයට දැනෙන සහනය..

2007 අවුරුද්දේ හරිම අපූරු සිද්දියක් වුනා. බ්‍රිතාන්‍යයේ පැවැත් වුනා ‘ බ්‍රිටින් ගෝට් ටැලන්ට්ස් ‘ කියලා තරගයක්. තරග කරුවෝ හුගක් ඇවිත් හිටියා තරගයට. ලස්සන ඇදුම් පැළදුම් වලින් සැරසුනු තරග කරුවෝ බොහෝ දෙනෙක් අවා. මේ තරගය එච්චරකටම ප්‍රසිද්දයි. දිනුවොත් එක රැයෙන්ම මුලු බ්‍රිතාන්‍යයම එයාව අදුර ගන්නවා. අනික ගායකයෙක් වෙන්න අවස්ථාවක් තියෙනවා. රැජින ඉදිරියේ ප්‍රසංගයක් පවත්වන්නත් වරම් ලැබෙනවා.

සතුටින් ජීවත් වෙන්නේ කොහොමද

සතුටින් ජීවත් වෙන්නේ කොහොමද? අපි මේ ගැන කතා කරමු. අද හවස 2.30 ට මැක්ස් ටෙලිවිෂන් බලන්න.

මිරිවැඩි සඟළක් ඉල්ලා හැඩුවෙමි

ඔයාට ඔයා ලඟ තියෙන දේවල් කොච්චර නම් වටිනවද කියලා මට කියන්න. ඔයාගේ මුහුණ වගේ ලස්සන මුහුණක් වෙන නෑ කියලා ඔයා හිතලා තියෙනවද? ජිවිතේට පුංචි පුංචි වටින දේවල් එකතු කර ගන්න උත්සහ කරන ඔයා, ඔයා ලඟම තියෙන ලොකු වටිනා කමකින් පිරුණු දේවල් අමතක කරනවද?

කඩේක තියෙන ලස්සනම සෙරෙප්පු දෙකක්, සපත්තු දෙකක් ඉල්ලලා ඔයා හයියෙන් අඩද්දී.. ඔයාගේ පුංචි කකුල් දෙකේ දාගෙන ඉන්න ආරක්ෂාව, ලස්සන තියෙන සෙරෙප්පු දෙක ඔයාට වටින්නැහැ. ඒත් ඔයා හිතලා බැලුවද ඔයාට වගේ කකුල් දෙකක් නැති කෙනෙක් සෙරෙප්පු දෙකක් ඉල්ලලා අඩන එක ගැන.

ඔයා අහලා තියෙනවද ඇමෙරිකාවේ ඇරිසොනාවෙන් බිහි වුණ අත් දෙකම අහිමිව ගිය ජෙසිකා ගැන. එයාට නැතිව ගිය අත් දෙක වෙනුවෙන් එයා අඬ අඬම හිටියා නම්, ජෙසිකව අදටත් දන්නේ ජෙසිකගෙ අම්මා විතරමයි. ජෙසිකා ලග ඉතුරු වෙල තිබුණ කකුල් දෙකට එයා වටිනා කමක් දුන්නා. ඒ වටිනා කම ජෙසිකව ලෝකේ දෑත් අහිමි පළමු ගුවන් නියමු වරිය වනතෙක් ගෙනිච්චා. එච්චරක්ද..? නැහැ, එයා අපි හැමෝටම කිවුවා ”තමන්ට වටිනා කමක් දෙන්න..” කියලා. ඔයා ඒ වටිනා කම ඔයාට දුන්නා නම් මේ ලෝකේම ඔයාගේ කියලා ජෙසික ඔප්පු කලා

ඔයා මුලින්ම ඔයාව අගය කරන්න පුරුදු වෙන්න.ඔයා වෙනුවෙන් ඔයගේ ලෝකේ වටිනා කම ඇති කරගන්න. ඔයාගේ හැම හැකියාවක්ම, දක්ෂකමක්ම ඔයා අගය කරන්න. ඔයාට අහිමි වුණ දේවල්, අහිමි වෙන දේවල් වලට වඩා ඔයා ලඟ තියෙන දේවල් වෙනුවෙන් සතුටු වෙන්න. ඒ දේවල් වෙනුවෙන් ජීවත් වෙන්න.ඔයාට අහිමි දේවල් වල නැති.., ඔයා ලඟ තියෙන දේවල් වල හොඳ දකින්න.

ඔයාගේ ඇස් දෙකේ කුංකුම තවරන්න කුංකුම ඉල්ලලා හඩා වැටෙද්දී, දෑසම අහිමි කෙනෙකුට කුංකුම වල වටිනා කමක් තියේද සිතන්න. ඔයා ඔයා ලඟ තියෙන දේ අගේ කරන්න. වටිනා කමක් දෙන්න. නැති දේවල් වලට වඩා තියෙන දේවල් ගැන සතුටු වෙන්න. එහෙම කරලා ඔයා බලගෙන ඉන්න ඔයාට නෑ කියන්න බැරි වෙන්න හැම දෙයක්ම ලැබෙයි.,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

මිරිවැඩි සඟලක් ඉල්ලා හැඩුවෙමි
පා යුග නැති ඔබ දකින තුරා..
කුංකුම අංජන ඉල්ලා හැඩුවෙමි
නෙත් යුග නැති ඔබ දකින තුරා..

මාවත කටු අතු බොරළු මතක නැත
දෙපා රැදුනු විට බුමුතුරුණු..
දොරකට යදියන් ඉදුල් යදින සඳ
මැදුරේ දෙසවන් අගුල් වැටී..

සඳ කිදුරන් ඇත සඳළු තලාවේ
රස මසවුළු වල සුවද පිරේ…
ඒ සද සුවඳට දෑස අයාගෙන
බත් ඇට ඇහිදිති පොඩි දරුවෝ..

මිරිවැඩි සඟලක්…..

සඳ කිණිති

ඔයා ගොඩාක් ලස්සනට ආදරය කරන්න දන්න, ආදරය කරන්න පුලුවන් කෙනෙක් කියලා මම දන්නවා. ආදරේට ආදරේ කරන ඔයා වගේ අය හරිම අඩුයි.ඔයා ආදරේ කරද්දී ඔයාගෙම ගති ගුණ ඔයා තවත් කෙනෙක්ගෙන් හොයන්නේ හරිම කැමැත්තෙන්. ඒක හරිම ලස්සන ආසාවක්. ඔයාගේ ආදර වන්තයා, සැමියා ඔයා වගේම හිතනවා නම් පතනවා නම්, ඔයාගේ ගති ගුණ එයා තුල තියෙනවා නම්.. ඔයාට ඒ දෙයට වඩා සම්පතක් නැහැ කියලා මම දන්නවා.

පුංචි උදාහරණයක් කියන්නද., රෑට අහසේ පායන හඳ විලක සීතලම සීතල වතුර මතින් එයාගෙම සේයාව හොයනවා වගේ තමයි ඔයත්. හඳ දන්නවා විලේ ඉන්නේ එයාම නෙවෙයි කියලා. එයාගෙම සේයාව කියලා.. හැබැයි හඳ ආසයි එයාගේ රුපේ විලේ තියෙන සේයාව තුලින් දකින්න.

විල් තෙරට වැටුනු සේයාව දිහා හඳ නොනිමි සෙනෙහසකින්, ආදරයකින් බලාගෙන ඉද්දී.., පුංචි සීතල සුළඟකින් විල කැළඹුනොත්.. හඳට දකින්න වෙන්නේ එයාගේ සේයාව නෙවේ. කෑලි කැඩිලා විසිරිලා ගිය වෙනස්ම සේයා රුවක්. ඒත් හඳ ඒ වෙනස ඉවසාගෙන, දරාගෙන හිටියොත් ආයමත් හඳේ නියම සේයාව විලේ ජලය මත්තෙ වැළඳ ගන්න පුලුවන්. මොකද විලක් හැම වෙලාවකම නොසැලී ඉන්නේ නැහැනේ.

ඒ වගේම තමා ඔයා ආදරේ කරද්දිත්. හැම වෙලාවෙම ඔයාට ඔයාගේ ආදර වන්තයාගෙන්, සැමියාගෙන් ඔයාගෙම, ඔයා බලාපොරොත්තු වෙන, ඔයා හොයන ගති ගුණ ලැබෙන්නේ නැහැ. ආදරේ කරද්දි අනිත් කෙනාගේ වැරදි, අඩු පාඩු, වෙනස් වීම් ඉවසන තරමට තමා හැම දේම නැවුම් වෙන්නේ.

එහෙම වෙන්නේ අපි දෙන්නම දන්න මේ ස්භාවධර්මය කවමදාකවත් එකමන් වගේ දෙන්නේක්ව මේ ලෝකෙට දායාද කරලා නැති නිසා. අපි එකිනෙකාට වෙනස්. හැසිරීම, කතාබහ, උවමනා, සිතුවිලි, ආශාවන්, ආදරය, ගතිගුණ.. මේ හැම දේම වෙනස්. ඔයා ආදරේ කරද්දී අනිත් කෙනා වෙනුවෙන් ඉවසීම, සමාවදීම අනිවාරෙන්ම තියෙන්න ඔනා. එයාගේ අඩුපාඩු හැම දේම ඉවසගෙන ඉන්න ඔනා. එයාට ඔන විදියට ඔයා වෙනස් වුනහම [වෙනස් වුනොත්] එයා ඔයාට ඔනා විදියට හැඩ ගැහෙනවා. ඒ වෙන තෙක් ඔයා ඉවසන්න. මොකද මේ ලෝකෙටම ඔයා වගේ ඉන්නේ ඔයා විතරක්ම නිසා.

සඳ කිණිති නැමී විල් දියට එබී
සොයයි සේයාව සඳේ
ඔබ නෙතට එබී.. මගේ නෙතද සදා..
සොයයි සේයාව මගේ….

සසල නොවී විල තිබෙන තුරා
දිළෙයි සඳ දියට යටින්
සසල වෙලා දිය කැළඹුනු දා..
බිදෙයි සඳ කැබිළි පිටින්..

සසල නොවී ඔබ හිදින තුරා
පෙනෙයි මා ඔබේ නෙතින්
සසර පුරා සැරි සරන තුරා
බලමි ලොව ඹබේ නෙතින්……

සඳ කිණිති නැමී…..

Sanath Gamage
සනත් ගමගේ

දරුවන්ට නොකිය යුතු කතා

අම්මා තාත්තා නිරතුරුවම තමන්ගේ ප්‍රශ්න දරුවන් සමග කතා කරන්න පටන් ගත්තාම දරුවන්ට හැගෙන්නේ මොනවගේ දේවල්ද? ඔවුන් සිතන්න ගන්නවා තමනුත් මේවට වග කිව යුතුයි කියලා. ඔවුන් තමන් ගේ සුන්දර ළමා ලොවෙන් ටික ටික ඈත් වෙන්න පටන් ගන්නවා. තමන් දෙමාපියන්ට කරදර නොකර සිටිය යුතුයැයි සිතනවා. ඔබත් ඔබේ ප්‍රශ්න ගැන දරුවන්ට පැමිණිලි කරනවාද? ආයෙත් සිතන්න.

ආදරය

ජීවිතය ජීවත් වෙන්නේ ආදරය නිසා. ඒ ආදරය අසීමිතව දෙන්න. එය පෙරළා අපේක්ෂා නොකර. බලන්න ජීවිතයට දැනෙන සැහැල්ලුව.